പരീക്ഷകളിലെ സമയ ഘടകം


കുട്ടികള്‍ ഫലപ്രദമായി പരീക്ഷയെഴുതണമെങ്കില്‍ അതിന് പരീക്ഷാ ഹാളില്‍ നില്‍ക്കുന്ന അധ്യാപകരുടേയും പിന്തുണ ആവശ്യമാണ്. കുട്ടികള്‍ക്ക് മാനസികമായ ധൈര്യം നല്‍കുന്നതില്‍ ശ്രദ്ധ പുലര്‍ത്തിയാല്‍ കുട്ടിയില്‍ നിന്നും പരീക്ഷാപേപ്പറിലേക്ക് കുറേക്കൂടി ഔട്ട്പുട്ട് കിട്ടാം. ഇക്കാര്യത്തില്‍ നമുക്ക് കൂട്ടത്തിലുള്ള ഒരു വിഭാഗം അധ്യാപകര്‍ സ്തുത്യര്‍ഹമായ വിധം പ്രവര്‍ത്തിക്കുമ്പോള്‍ തന്നെ ‘തന്റെ ജോലി’ വേഗം അവസാനിപ്പിക്കണം എന്ന ഉദ്ദേശ്യമുള്ള മറ്റൊരു വിഭാഗവും നമ്മുടെ ഇടയില്‍ ഇല്ലാതില്ല. ഈ വിഭാഗങ്ങളില്‍ എവിടെയാണ് നിങ്ങളുടെ സ്ഥാനം? ഇതേക്കുറിച്ചുള്ള അന്വേഷണം നടത്തുന്നത് ഈ വര്‍ഷത്തെ സംസ്ഥാന അധ്യാപക അവാര്‍ഡ് ജേതാവും മണര്‍ക്കാട് കെ.ടി.എം.എച്ച്.എസിലെ ഹെഡ്മാസ്റ്ററും ബ്ലോഗ് ടീമംഗവുമായ എസ്.വി.രാമനുണ്ണി മാഷാണ്. അധ്യാപക ജീവിതത്തില്‍ ചെറുതെങ്കിലും ഒരു പുനര്‍വിചിന്തനത്തിന് സഹായിക്കുന്ന ഈ പോസ്റ്റ് വായിച്ചു നോക്കി അഭിപ്രായങ്ങള്‍ എഴുതുമല്ലോ?

എസ്.എസ്.എല്‍.സി. പരീക്ഷക്ക് മുന്നോടിയായ പരീക്ഷാഭ്യാസങ്ങള്‍ വരികയാണ്. അതില്‍ സുപ്രധാനമായ ഒന്നാണ് നവംബര്‍ 1 മുതല്‍ ആരംഭിക്കുന്നത്. ഒന്നര മണിക്കൂര്‍ പരീക്ഷകളും (ഭാഷകള്‍, ഹിന്ദി, ഫിസിക്സ്, കെമിസ്‌റ്റ്രി, ബയോളൊജി) രണ്ടരമണിക്കൂര്‍ പരീക്ഷകളും (സാമൂഹ്യം, ഗണിതം, ഇംഗ്ലീഷ്) ഉണ്ട്. ഐ.ടി എഴുത്ത് പരീക്ഷ ഒരു മണിക്കൂര്‍ മാത്രം. ഈ സമയത്തിനകത്ത് നിന്നുകൊണ്ട് കുട്ടി അവളുടെ പരീക്ഷ എഴുതിത്തീര്‍ക്കണം. ഇതിന്ന് വേണ്ട പരിശീലനം നമ്മുടെ അധ്യാപകര്‍ ക്ലാസ്‌മുറികളില്‍ നല്‍കുന്നുണ്ട്. കൂളോഫ് സമയം ശരിയായി വിനിയോഗിക്കാന്‍ നല്‍കുന്ന പരിശീലനത്തില്‍ ഇത് ഉള്‍പ്പെടുത്തുന്നു. ഏറ്റവും അറിയാവുന്നത് ആദ്യം, അതിനെത്ര സമയം എന്നിങ്ങനെ.സമയഘടകത്തിന്റെ നിയന്ത്രണം കുട്ടിയെ സംബന്ധിച്ചിടത്തോളം സുപ്രധാനമാണ്.

കുട്ടിക്ക് സമയനിഷ്ഠ ഉണ്ടെങ്കിലും അധ്യാപകര്‍ ഇതെത്രമാത്രം പാലിക്കുന്നു എന്നാരും ചര്‍ച്ചയില്‍ കൊണ്ടുവന്നിട്ടില്ല. പരീക്ഷാമുറിയുടെ നിയന്ത്രണം അധ്യാപകനായതുകൊണ്ട് സമയനിഷ്ഠ കുട്ടിയുടെ മാത്രം വിഷയമായി ഒതുങ്ങുന്നില്ല. അതുകൊണ്ടുതന്നെ ഓരോ പരീക്ഷ കഴിഞ്ഞിറങ്ങുന്ന കുട്ടിയും സമയത്തിന്റെ കാര്യത്തില്‍ പരാതി ഉള്ളവരുമാകുന്നു. കഴിഞ്ഞ പരീക്ഷയെകുറിച്ച് പരാതിപ്പെട്ടിട്ടെന്തുകാര്യം എന്ന മട്ടില്‍ ഇതൊക്കെയും അവഗണിക്കപ്പെടുകയും ചെയ്യുന്നു. ബാലശാപങ്ങള്‍ അപരിഹാര്യങ്ങളായി നിലകൊള്ളുന്നു.

പഠിക്കുന്ന കുട്ടിക്ക് എല്ലാ പരീക്ഷയും ഗൌരവമുള്ളതുതന്നെ. നന്നായി പഠിച്ച് ജയിക്കാനുള്ള മോഹവുമായാണ് എല്ലാ കുട്ടിയും പരീക്ഷാ ഹാളില്‍ എത്തുന്നത്. (അലസന്മാരെകുറിച്ച് നാം ചര്‍ച്ചചെയ്യേണ്ടതില്ലല്ലോ) എന്നാൽ അധ്യാപകര്‍ മിക്കവരും പരീക്ഷാഡ്യൂട്ടി ഒരു സൊല്ലയായാണ് കാണുന്നത്. പരീക്ഷ കഴിഞ്ഞുള്ള പേപ്പര്‍ നോക്കാന്‍ ഇതിലും വലിയ ബുദ്ധിമുട്ടാണ് പലര്‍ക്കും.എന്നാല്‍ എസ്.എസ്.എല്‍.സി. പേപ്പര്‍ വാല്യുവേഷന്‍ സുഖം. അതിനോടിപ്പിടിച്ചെത്തും. സറണ്ടര്‍ ലീവെന്ന സൌഭാഗ്യം ആകര്‍ഷണം. സ്കൂള്‍ പരീക്ഷാഡ്യൂട്ടിയില്ലെന്ന അറിവ് എപ്പോഴും അധ്യാപകന്ന് സ്വര്‍ഗ്ഗം കിട്ടുന്നപോലെയാണല്ലോ. എന്നാൽ അധ്യാപകന്റെ പരീക്ഷാദ്വേഷം കുട്ടിയെ ബാധിക്കുന്നു എന്നാണ് നാം അറിയേണ്ടത്.

ഒരിക്കല്‍ നമ്മുടെ പരീക്ഷാ കമ്മീഷണർ ഹെഡ്മാസ്റ്റര്‍മാരുടെ യോഗത്തില്‍ ഒരു ചോദ്യം ചോദിച്ചു: എസ്.എസ്.എല്‍.സി. പരീക്ഷക്ക് എപ്പോഴാ ഫസ്റ്റ് ബെല്ല് അടിക്കുക?

ഉത്തരങ്ങൾ: 1.45/ 1.30/ 1.00/ 1.35/

എപ്പോഴാ സെക്കന്റ് ബെല്ല്?

ഉത്തരങ്ങള്‍: 1.30/1.45/ 1.40….

പരീക്ഷ തുടങ്ങുന്ന ബെല്ല്?

1.30/ 1.45/ 1.50/

ഒരുറപ്പില്ലാത്ത ഉത്തരങ്ങള്‍ !

കുട്ടി എപ്പോള്‍ പരീക്ഷ എഴുത്ത് അവസാനിപ്പിക്കണം?

5 മിനുട്ടിന്റെ വാര്‍ണിങ്ങ് ബെല്ല് കേട്ടാല്‍ (എല്ലാരും വ്യക്തമായി തന്നെ പറഞ്ഞു!). എഴുത്തു നിര്‍ത്തി തുന്നിക്കെട്ടണം.

ഇതിത്ര വിശദമാക്കുന്നത് പരീക്ഷാ സമയത്തെ കുറിച്ചുള്ള നമ്മുടെ ധാരണകള്‍ എത്രമാത്രം ബാലിശമാണെന്നുതന്നെയല്ലേ? ഈ യൊരു ചര്‍ച്ച നമ്മുടെ അധ്യാപകരുടെ ഇടയില്‍ നടക്കണം. ധാരണകള്‍ ശിശുകേന്ദ്രീകൃതമാക്കണം.

1.45 നാണ് പരീക്ഷ തുടങ്ങുന്നത്. 1.45 നു മുന്‍പ് അധ്യാപകന്‍ പരീക്ഷാഹാളില്‍ എത്തിയിരിക്കണം. ഈ തീരുമാനത്തില്‍ നിന്നു തുടങ്ങണം. 1.45 ആവുമ്പോഴേക്ക് കുട്ടികളുടെ ഹാള്‍ടിക്കറ്റ് പരിശോധന, മെയിന്‍ ആന്‍സര്‍ ഷീറ്റില്‍ വേണ്ട എന്‍‌റ്റ്രികള്‍ ഉണ്ടെന്ന് ഉറപ്പാക്കല്‍, അറ്റന്‍ഡന്‍സ് വാങ്ങല്‍ (വൈകി വരുന്നവരുടെ കാര്യം അല്ലേ) തുടങ്ങിയ സംഗതികള്‍ പൂര്‍ത്തിയാക്കണം. എല്ലാ ഒരുക്കങ്ങളും തീര്‍ത്ത് 1.45 നു സെക്കന്റ് ബെല്ല് അടിക്കുന്നതോടെ കുട്ടിക്ക് ചോദ്യപ്പേപ്പര്‍ നലകണം. ഇനി 15 മിനുട്ട് കൂള്‍ ഓഫ് സമയം. 2 മണിക്ക് മൂന്നാം ബെല്ല്. പരീക്ഷ എഴുതാന്‍ തുടങ്ങിയിരിക്കണം. പിന്നീട് ഓരോ അര മണിക്കൂറിന്നും ബെല്ല്. പരീക്ഷാ സമയം അവസാനിക്കുന്നതിന്ന് 5 മിനുട്ട് മുന്‍പ് വാണിങ്ങ്ബെല്ല്… ലോങ്ങ്ബെല്ല്.

1.45 മുതല്‍ പരീക്ഷ കഴിയുന്നതുവരെയുള്ള സമയം പൂര്‍ണ്ണമായും കുട്ടിക്ക് അവകാശപ്പെട്ടതാണ്. ഇതില്‍ ഇടപെടാനും മറ്റുകാര്യങ്ങള്‍ ചെയ്യിക്കാനും അധ്യാപകന്ന് യാതൊരവകാശവുമില്ല. കുട്ടിക്കാവശ്യമുള്ള അധികപേപ്പര്‍ അവര്‍ക്കടുത്തുചെന്ന് നൽകണം. (പലപ്പോഴും കുട്ടികള്‍ മാഷിന്റെ അടുത്തെക്ക് ചെന്ന് പേപ്പര്‍ വാങ്ങുന്നത് പതിവാണ്. ഇതു കുട്ടിയോട് ചെയ്യുന്ന ദ്രോഹമാണ് എന്നാരുപറയാന്‍?) ഓരോ അരമണിക്കൂര്‍ ബെല്ലും കുട്ടി ശ്രദ്ധിക്കുന്നുണ്ട്. 5 മിനുട്ട് മുന്‍പുള്ള വാണിങ്ങ്ബെല്‍ കുട്ടിക്കാണ്. സമയം തീര്‍ന്നാല്‍ ലോങ്ങ്ബെല്ല് ഉണ്ട്. അതുവരെ കുട്ടിക്ക് എഴുതാം. പിന്നീട് ഉത്തരം എഴുതാന്‍ സമ്മതിക്കരുത്. പക്ഷെ , അതുവരെ എഴുതാം. ഇനി പേജ്നമ്പറിട്ട് തുന്നിക്കെട്ടി വാങ്ങാം.

നമ്മുടെ ആളുകള്‍ പലപ്പോഴും 5 മിനുട്ടിന്റെ ബെല്ല് കേട്ടാല്‍ ‘ആള്‍ സ്റ്റാന്‍ഡപ്പ് ‘ എന്ന ഓര്‍ഡര്‍ കൊടുത്ത് എഴുത്ത് നിര്‍ത്തിക്കുന്നു. സമയം കഴിഞ്ഞു എന്നു പ്രഖ്യാപിക്കുന്നതും പതിവ്. ങ്ങാ ഇനി അത്രയൊക്കെ മതി…നിര്‍ത്തിന്‍…എന്ന പരിഭ്രമം മാഷേ ആവേശിക്കുന്നു. കുട്ടി എന്നും നിസ്സഹായനാണ്. എഴുത്തു നിര്‍ത്തി പേപ്പര്‍ നല്‍കും. ലോങ്ങ്ബെല്ല് അടിക്കുമ്പോഴേക്ക് എല്ലാം വാങ്ങി എണ്ണി ശരിയാക്കി ഓഫീസില്‍ എത്തിയിരിക്കും നമ്മുടെ കര്‍ത്തവ്യ നിരതന്‍. ഹേഡ്മാഷക്കും ഇതൊക്കെ ഒന്നു കെട്ടിവെച്ചു ശരിയാക്കി വേണമല്ലോ ഉത്തരവാദിത്തം പൂര്‍ത്തിയാക്കാന്‍.

നവമ്പര്‍ 1 നു ആരംഭിക്കുന്ന പരീക്ഷ മുതല്‍ നാം ഈ സമയക്രമം പാലിക്കാന്‍ ശ്രമിച്ചാല്‍ കുട്ടികള്‍ക്ക് വളരെ ഗുണം ചെയ്യും. സാമ്പ്രദായികരീതികള്‍ മാറിയേ തീരൂ എന്നു എല്ലാവരും തീരുമാനിക്കണം. പരീക്ഷ കുട്ടിയുടെ ജീവിതത്തിലെ സുപ്രധാന അധ്യായമാണ്. നമുക്കത് വിരസമായ ഒരധ്യായവും. പക്ഷെ, പരീക്ഷ കുട്ടിക്കാണ്. നമ്മുടെ ഇഷ്ടാനിഷ്ടങ്ങള്‍ക്കല്ല. ഇന്ന് രക്ഷിതാക്കള്‍ക്കും ഈ കഥയൊക്കെ അറിയാം. ചര്‍ച്ചകളും അനുഭവങ്ങളും കൈമാറലും നടക്കട്ടെ.

About hariekd

It is a movement from kerala High school teachers.
This entry was posted in വിജ്ഞാനം. Bookmark the permalink.

35 Responses to പരീക്ഷകളിലെ സമയ ഘടകം

  1. നവമ്പര്‍ 1 നു ആരംഭിക്കുന്ന പരീക്ഷ മുതല്‍ നാം ഈ സമയക്രമം പാലിക്കാന്‍ ശ്രമിച്ചാല്‍ കുട്ടികള്‍ക്ക് വളരെ ഗുണം ചെയ്യും. സാമ്പ്രദായികരീതികള്‍ മാറിയേ തീരൂ എന്നു എല്ലാവരും തീരുമാനിക്കണം. പരീക്ഷ കുട്ടിയുടെ ജീവിതത്തിലെ സുപ്രധാന അധ്യായമാണ്. നമുക്കത് വിരസമായ ഒരധ്യായവും. പക്ഷെ, പരീക്ഷ കുട്ടിക്കാണ്. നമ്മുടെ ഇഷ്ടാനിഷ്ടങ്ങള്‍ക്കല്ല. ചര്‍ച്ചകളും അനുഭവങ്ങളും കൈമാറലും നടക്കട്ടെ.

  2. പോസ്റ്റ് കര്‍ത്തവ്യങ്ങളെക്കുറിച്ചാവുമ്പോള്‍ പ്രതികരണം ഇങ്ങനെയൊക്കെയേ ഉണ്ടാവൂ!
    അത് അവകാശങ്ങളെക്കുറിച്ചാണേല്‍ കമന്റ് ബോക്സ് വന്നു നിറഞ്ഞേനേ!!
    അഥവാ വല്ല സഹായവുമാണെങ്കില്‍ ….???

    രാമനുണ്ണി മാഷുടെ പോസ്റ്റ് അവസരോചിതവും അര്‍ത്ഥവത്തും ആയി. പരീക്ഷ ഒരിക്കലും പരീക്ഷണമാകാതിരിക്കട്ടെ. നടത്തിപ്പ് നന്നായാലേ പരീക്ഷ വിജയിക്കുന്നുള്ളൂ.

  3. പരീക്ഷ ഹാളില്‍ വന്ന അധ്യാപകന്‍ വിചാരിച്ചാല്‍ മാത്രം ഔട്ട്‌പുട്ട് കിട്ടുമോ? പരീക്ഷ ഹാളില്‍ വന്ന അധ്യാപകന്‍ വിചാരിച്ചാല്‍ മാത്രം ഔട്ട്‌പുട്ട് കിട്ടുമോ?
    ഹാളില്‍ വന്ന അധ്യാപകന്‍ കുട്ടിയോട് മൃദുലമായി പെരുമാറിയത് കൊണ്ടോ അടുത്ത് ചെന്ന് അധിക പേപ്പര്‍ നല്‍കിയത് കൊണ്ടോ ഔട്ട്‌ പുട്ടില്‍ ഒരു ഗണ്യമായ മാറ്റവും ഉണ്ടാവില്ല.

    2005 ല്‍ വന്ന ഗ്രയിഡിംഗ് രീതിയെ തുടര്‍ന്ന് എസ്.എസ്.എല്‍.സി. വിജയശതമാനത്തില്‍ കാര്യമായ വര്‍ധനവ്‌ ഉണ്ടായത് എന്ത് കൊണ്ടാണ്.
    പഠന നിലവാരം ഉയര്‍ന്നത് കൊണ്ട് ആണോ?

    C.E എന്നാ പ്രഹസനം ആണ് ഇതിനു കാരണം .ക്ലാസ്സില്‍ പഠനത്തില്‍ ഏറ്റവും മോശം ആയവനും
    ഹാജര്‍ നില കുറവ് ആയവനും എല്ലാ ദിവസം ക്ലാസ്സില്‍ വന്നവനും പടിക്കുന്നവനും സ്വഭാവ ഗുണം ഉള്ളവനും ഇല്ലാത്തവനും ഒക്കെ 20/20.പിന്നെ D+ കിട്ടാന്‍ വേണ്ടത് പത്തു മാര്‍ക്ക്‌.അഞ്ചു മാര്‍ക്കിന്റെ ചോദ്യത്തില്‍ തെറ്റ് അപ്പോള്‍ കാര്യം കുശാല്‍ പിന്നെ ജയിക്കാന്‍ വേണ്ടത് അഞ്ചു മാര്‍ക്ക്‌
    അത് ചോദ്യം പകര്‍ത്തി വച്ചാലും കിട്ടും മന്ത്രിക്ക് പത്ര സമ്മേളനത്തില്‍ പറയാന്‍ പിന്നെ എന്ത് വേണം .

  4. മന്ത്രിയുടെ മകന്‍ പഠിക്കുന്നത് ഐ.സി.എസ്.സി സിലബസ്സിലും എത്ര അധ്യാപകര്‍ തങ്ങളുടെ മക്കളെ സര്‍ക്കാര്‍ സ്കൂളില്‍ പഠിപ്പിക്കാന്‍ ധൈര്യം കാട്ടുന്നുണ്ട്.
    അധ്യാപകരെ കുറ്റം പറഞ്ഞിട്ട് കാര്യം ഇല്ല അവര്‍ക്ക് അറിയാം എന്താ നടക്കുനതു എന്ന്.

    കുട്ടികളുടെ അര്‍ഹതക്കനുസരിച്ച് സി.ഇ.മാര്‍ക്ക്‌ കൊടുക്കാന്‍ എത്ര സ്കൂള്‍ അധ്യാപകര്‍ തയാറാകും.
    I.T വിദ്യാഭ്യാസം മറ്റൊരു ഭൂലോക പ്രഹസനം.
    പ്രാക്ടിക്കല്‍ പരീക്ഷ ഹാളില്‍ കയറി ഇറങ്ങിയവനൊക്കെ 20/20 .C.E – 10/10.കിട്ടിയ മാര്‍ക്ക്‌ 30/30 ജയിക്കാന്‍ വേണ്ടത് ആകെ 12/40 ഇനി എഴുത്ത് പരീക്ഷക്ക്‌ ഒന്ന് പോയി ഇരുന്നു കൊടുത്താല്‍ മാത്രം മതി.അവനു എന്തിനു സമയ ക്രമം.ഒന്ന് കഴിഞ്ഞു പുറത്തിറങ്ങിയാല്‍ മതി എന്നാണ് അവന്റെ ചിന്ത . മാരണം ഒരു മണിക്കൂര്‍ കഴിയാതെ വിടുകയും ഇല്ല.വേണം എങ്കില്‍ ഒരു പേപ്പര്‍ കൊടുത്താല്‍ അവന്‍ ഒരു കവിത എഴുതാനും തയാര്‍ .ഓ.എന്‍.വി.കുറുപ്പ് വരെ തോറ്റു പോകും
    Basic Awareness ഉണ്ടാക്കാന്‍ എല്ലാവരും ഐ .ടി .പഠിക്കട്ടെ അതിനു എന്തിനാ പരീക്ഷ ?

    എഴുത്ത് പരീക്ഷയില്‍ മുപ്പതു ശതമാനം മാര്‍ക്ക്‌ കിട്ടിയവര്‍ മാത്രമേ വിജയിക്കാന്‍ അര്‍ഹത ഉള്ളു എന്നാ ഒരു നിബന്ധന വക്കട്ടെ കാണാം പൂരം

    ഇപ്പോള്‍ പിന്നെ പരീക്ഷ നടത്താനും പാടില്ലാലോ.കേന്ദ്രത്തില്‍ അറിയാതെ പരീക്ഷ നടത്തിയാല്‍ ചിലപ്പോള്‍ പെന്‍ഷന്‍ പോലും കിട്ടില്ല
    പരീക്ഷ നടത്തണം അതിന്റെതായ പ്രാധാന്യത്തോടെ .പരീക്ഷ എഴുതി കുട്ടികള്‍ തന്നെ ഒരു സമയ ക്രമം ഉണ്ടാകണം.

  5. ശ്രീവര്‍ഷ,
    പഠന നിലവാരം എന്നതു കൊണ്ട് ഉദ്ദേശിക്കുന്നത് എന്താണ്. കുറെക്കാര്യങ്ങള്‍ ഹൃദിസ്ഥമാക്കിവെച്ച് അവ ഉത്തരക്കടലാസിലേക്ക് ഛര്‍ദ്ദിച്ചുവെച്ച് 90-100 ശതമാനം മാര്‍ക്കു വാങ്ങിക്കുന്നതാണോ?
    സി.ഇ ഒരിക്കലും പ്രഹസനമല്ല. അത് പ്രഹസനമാക്കാന്‍ നമുക്ക് എളുപ്പം കഴിയും. അത് അതിന്റെ പൂര്‍ണ്ണ അര്‍ഥത്തില്‍ നടപ്പിലായില്ല എന്നത് ഞാനും സമ്മതിക്കുന്നു. ഒരു ഹാളില്‍ അടച്ചു പൂട്ടി സമയത്തിന്റെ വേലി കാണിച്ച് ഭയപ്പെടുത്തിക്കൊണ്ടുള്ള ഈ പരീക്ഷ തന്നെ മാറ്റേണ്ടതാണ്. എന്നാല്‍ നമ്മുടെ സമൂഹം ഒറ്റയടിക്കു അതുമായി പൊരുത്തപ്പെടാന്‍ ബുദ്ധിമുട്ടുള്ളതുകൊണ്ട് തുടരുന്നു എന്നു മാത്രം.
    പുതിയ പരീക്ഷ ഔട്ട്പുട്ടിനു മാത്രമല്ല ഇന്‍പുട്ടും കൂടി ഉദ്ദേശിച്ചുള്ളതാണ്.
    എന്നാല്‍ അനിവാര്യമായ രീതിയിലേക്കു പരീക്ഷ കടന്നു വരുമ്പോള്‍ അതു ഭീതിയകന്ന ഹൃദ്യമായ അന്തരീക്ഷത്തില്‍ വേണം നടക്കാന്‍. കുറച്ചുകൂടി വ്യക്തമായിപ്പറഞ്ഞാല്‍ അത് പഠനപ്രവര്‍ത്തനത്തിന്റെ ഒരു ഭാഗം മാത്രമാവണം.

  6. ബഹുമാനപെട്ട ലേഖകന്‍ പാലക്കാട് നിന്നും ആണെന്ന് അറിയാന്‍ കഴിഞ്ഞു .പാലക്കാട് ജില്ലയില്‍ നടത്തുന്ന വിജയശ്രീ പരീക്ഷയെ കുറിച്ച് ഒന്നും പറഞ്ഞു കണ്ടില്ല എന്തിനാണ് അത് നടത്തുന്നത് ആര്‍ക്കാണ്‌ അത് കൊണ്ട് ഗുണം? രാവിലെ ഒന്‍പതു മുതല്‍ പത്തു വരെ ഒരു പരീക്ഷ അത് കഴിഞ്ഞു നാല് മണി വരെ ക്ലാസ്സ്‌ പിന്നെ അഞ്ചു മണി വരെ വീണ്ടും ഒരു പരീക്ഷ
    പറ്റുമെങ്കില്‍ ഉച്ച സമയത്ത് ഒരു മണി മുതല്‍ രണ്ടു മണി വരെ ഒരു പരീക്ഷ കൂടി നടത്താമായിരുന്നുകുട്ടികള്‍ റെഡി അവര്‍ക്ക് ഇതൊരു തമാശ.ഇത് കൊണ്ട് പാലക്കാട് ജില്ല ഒന്നാം സ്ഥാനത് എത്തുമോ ?

    അതതു അധ്യാപകര്‍ തന്നെ ചോദ്യ പേപ്പര്‍ തയാറാക്കി ചിട്ടയായ ഒരു ക്രമത്തില്‍ പരീക്ഷ നടത്തി അതിന്റെ അടിസ്ഥാനത്തില്‍ സി.ഈ മാര്‍ക്ക്‌ നല്‍കുകയുള്ളൂ എന്നാ ഒറ്റ നിബന്ധന വക്കട്ടെ
    കുട്ടികള്‍ പരീക്ഷയെ കുറച്ചു കൂടി ഗൌരവത്തോടെ കാണും

    “പഠിക്കുന്ന കുട്ടിക്ക് എല്ലാ പരീക്ഷയും ഗൌരവമുള്ളതുതന്നെ. നന്നായി പഠിച്ച് ജയിക്കാനുള്ള മോഹവുമായാണ് എല്ലാ കുട്ടിയും പരീക്ഷാ ഹാളില്‍ എത്തുന്നത്.”

    അതൊരു പുതിയ അറിവ് ആണ് ഈ പോസ്റ്റ്‌ തയാറാക്കിയത് കോണ്‍വെന്റ് സ്കൂളുകളെ കണ്ടു കൊണ്ട് ആയിരിക്കും അല്ലെ.സര്‍ക്കാര്‍ സ്കൂളുകളില്‍
    അതാണോ സ്ഥിതി ?

    കുട്ടി ഒരു തെറ്റ് ചെയ്‌താല്‍ സര്‍കാര്‍ സ്കൂളുകാര്‍ അവരെ ശിക്ഷികൂ വിവരം അറിയും .മന്ത്രി വരെ ചിലപ്പോള്‍ വിളിക്കും.പാവം അധ്യാപകന്‍.
    ഇന്നലെ ‘Election duty’ക്ക് പോയ ഒരു അധ്യാപികക്ക് നല്ല കണക്കിന് പാര്‍ട്ടി പ്രവര്‍ത്തകരുടെ തല്ലു കിട്ടി .വായിച്ചു കാണുമല്ലോ?
    കള്ളാ വോട്ട് ചെയ്യാന്‍ എത്തിയ ഒരു പ്രവര്‍ത്തകനെ കയ്യോടെ പിടിച്ചതാണ് കാരണം .ഒരു സംശയം ഏതെങ്കിലും അധ്യാപക സംഖടന ഇതില്‍ ഇടപെടുമോ .പാവം ടീച്ചര്‍ കിട്ടിയത് കിട്ടി ആരോടും പറയേണ്ടിയിരുനില്ല എന്ന് ഇപ്പോള്‍ തോന്നുന്നുണ്ടാവും.

  7. “പഠന നിലവാരം എന്നതു കൊണ്ട് ഉദ്ദേശിക്കുന്നത് എന്താണ്. കുറെക്കാര്യങ്ങള്‍ ഹൃദിസ്ഥമാക്കിവെച്ച് അവ ഉത്തരക്കടലാസിലേക്ക് ഛര്‍ദ്ദിച്ചുവെച്ച് 90-100 ശതമാനം മാര്‍ക്കു വാങ്ങിക്കുന്നതാണോ?”

    അതെ അത് തന്നെ ആണ് .കാരണം പത്താം ക്ലാസ്സ്‌ കഴിഞ്ഞു പ്ലസ്‌ ടു വിനു ചേരണം എങ്കില്‍ ഈ പറഞ്ഞ സാധനം വേണം ഇല്ലെങ്കില്‍ അവര്‍ ചവിട്ടി പുറത്താക്കും എനിക്ക് നല്ല അറിവ് ഉണ്ട് .അത് കൊട് എനിക്കൊരു സീറ്റ്‌ തരുമോ എന്ന് ചോതിച്ചാല്‍ അവര്‍ തരില്ല .എന്നാണ് എന്റെ അറിവ്

    “സി.ഇ ഒരിക്കലും പ്രഹസനമല്ല. അത് പ്രഹസനമാക്കാന്‍ നമുക്ക് എളുപ്പം കഴിയും. അത് അതിന്റെ പൂര്‍ണ്ണ അര്‍ഥത്തില്‍ നടപ്പിലായില്ല എന്നത് ഞാനും സമ്മതിക്കുന്നു”

    സമാധാനം

    “ഒരു ഹാളില്‍ അടച്ചു പൂട്ടി സമയത്തിന്റെ വേലി കാണിച്ച് ഭയപ്പെടുത്തിക്കൊണ്ടുള്ള ഈ പരീക്ഷ തന്നെ മാറ്റേണ്ടതാണ്.”

    എന്നാല്‍ നമുക്ക് ഇനി പരീക്ഷ ഊട്ടിയിലോ അത് പോലെ ഉള്ള ടൂറിസ്റ്റ് സ്ഥലത്ത് വച്ച് നടത്തം .

    “പുതിയ പരീക്ഷ ഔട്ട്പുട്ടിനു മാത്രമല്ല ഇന്‍പുട്ടും കൂടി ഉദ്ദേശിച്ചുള്ളതാണ്”

    ഇനി ഇപ്പോള്‍ ആ ഒരു പുട്ടിന്റെ കൂടി ആവശ്യം ഉണ്ടോ .ചുരുക്കി പറഞ്ഞാല്‍ അധ്യാപകര്‍ ആണ് പുട്ട് ഉണ്ടാക്കി കൊടുക്കേണ്ടത് അല്ലെ ?

  8. shemi says:

    ശ്രീ വര്‍ഷ,
    “പരീക്ഷ ഹാളില്‍ വന്ന അധ്യാപകന്‍ വിചാരിച്ചാല്‍ മാത്രം ഔട്ട്‌പുട്ട് കിട്ടുമോ?” -ഇല്ല.എന്നാല്‍ വരുന്ന അധ്യാപകന്റെ പെരുമാറ്റം കൊണ്ട് ഔട്ട്‌പുട്ട് നഷ്ടമാകരുതെന്നേ ഉദ്ദേശിച്ചിട്ടുള്ളു.
    “2005 ല്‍ വന്ന ഗ്രയിഡിംഗ് രീതിയെ തുടര്‍ന്ന് എസ്.എസ്.എല്‍.സി. വിജയശതമാനത്തില്‍ കാര്യമായ വര്‍ധനവ്‌ ഉണ്ടായത് എന്ത് കൊണ്ടാണ്.
    പഠന നിലവാരം ഉയര്‍ന്നത് കൊണ്ട് ആണോ?” -തീര്‍ച്ചയായും,ഒരധ്യാപിക എന്ന നിലയില്‍ ഈ അഞ്ചു വര്‍ഷത്തെ വളര്‍ച്ച സന്തോഷത്തോടെ തന്നെ അനുഭവിക്കുന്നു. പിന്നെ സി.ഇ- പണ്ട് മോഡറേഷന്‍ കൊടുത്തിരുന്നപ്പോള്‍ ആര്‍ക്കും ഒരു പരാതിയും ഇല്ലായിരുന്നല്ലോ. പിന്നെ മാറ്റങ്ങള്‍ ഇനിയും വരേണ്ടതുണ്ട്.സി.ഇ യുടെ മാര്‍ക്ക് നിര്‍ണ്ണയം കൃത്യമായ ഒരു മോണിറ്ററിംഗിലൂടെ മാറുമെന്ന് പ്രതക്ഷിക്കാം.
    “പാലക്കാട് ജില്ലയില്‍ നടത്തുന്ന വിജയശ്രീ പരീക്ഷയെ കുറിച്ച് ഒന്നും പറഞ്ഞു കണ്ടില്ല എന്തിനാണ് അത് നടത്തുന്നത് ആര്‍ക്കാണ്‌ അത് കൊണ്ട് ഗുണം? ” -എന്താണ് ഈ രീതിയില്‍ ഒരു ആരോപണം ഉണ്ടായതിന്റെ കാരണം എന്ന് മനസ്സിലാവുന്നില്ല. കാരണം അത് കുട്ടികളില്‍ ആത്മവിശ്വാസം ഉണ്ടാക്കുന്നു. പരീക്ഷയെ എങ്ങിനെ സമയക്രമം പാലിച്ചുകൊണ്ട് അഭിമുഖീകരിക്കാമെന്ന് മനസ്സിലാക്കികൊടുക്കുന്നു.ഇതിലെല്ലാമുപരി ഉയര്‍ന്ന സ്കോര്‍ നേടാനുള്ള ഒരു പരിശീലനം കൂടിയാണ്.പിന്നെ പാലക്കാടു ജില്ലയുടെ ഒന്നാം സ്ഥാനം.ഇതു കിട്ടാത്തത് പാലക്കാടിന്റെ കിഴക്കന്‍ മേഖലകളിലെ ജനങ്ങളുടെ ജീവിതവുമായി ബന്ധപ്പെട്ടു കിടക്കുന്ന ചില വലിയപ്രശ്നങ്ങള്‍ നിലനില്‍ക്കുന്നതുകൊണ്ടുകൂടിയാണ്.എന്നാല്‍ ഇതിന് കാതലായ മാറ്റങ്ങള്‍ വന്നുകൊണ്ടിരിക്കുന്നുണ്ട്.പഠനനിലവാരവും ഉയര്‍ന്നുകൊണ്ടിരിക്കുകയാണെന്ന് പരിശോധിച്ചാല്‍ മനസ്സിലാവും.
    പിന്നെ അധ്യാപകസമൂഹത്തെ മൊത്തമായി ആക്ഷേപിക്കുന്നത് തീരെ ശരിയല്ല. പൊതുവിദ്യാലയങ്ങളുടെ മഹത്വം ഉള്‍ക്കൊണ്ടുതന്നെ നല്ലൊരു സമൂഹത്തിനെ വാര്‍ത്തെടുക്കണമെന്ന് ആഗ്രഹിക്കുകയും അതിനായി സ്വന്തം മകനെ ഗവ.സ്ക്കൂളില്‍ തന്നെ പഠിപ്പിക്കുകയും ചെയ്യുന്ന ഒരധ്യാപിക കൂടിയാണ് ഞാന്‍.

    @രാമനുണ്ണി സാര്‍,പോസ്റ്റ് ഉചിതവും അധ്യാപകര്‍ക്ക് ഒരു സ്വയം പരിശോധനക്കുള്ള അവസരം നല്‍കുന്നതുമാണ്.നന്ദി.

  9. ശ്രീ വര്‍ഷ പറയുന്നതില്‍ കുറച്ച് കാര്യമില്ലേ?
    ഉണ്ടെന്നാ എനിക്ക് തോന്നുന്നത്..

  10. ശ്രീ വര്‍ഷ പറയുന്നതില്‍ കുറച്ച് കാര്യമില്ലേ?
    ഉണ്ടെന്നാ എനിക്ക് തോന്നുന്നത്..

    ചിക്കു സാര്‍,
    ശ്രീവര്‍ഷ പറയുന്നതില്‍ കുറച്ചല്ല, കൂടുതല്‍ കാര്യങ്ങളുണ്ട്. പക്ഷെ അവ പുതിയ വിദ്യാഭ്യാസ രീതികളോട് പൊരുത്തപ്പെടുന്നവയല്ല.+2 വിന്റെയും എന്‍ട്രന്‍സ്സിന്റെയും കാര്യങ്ങളിലെല്ലാം മാറ്റങ്ങള്‍ വരേണ്ടതുണ്ട്. വരാന്‍പോകുന്നുമുണ്ട്. ആദ്യമായി നമ്മള്‍ അധ്യാപകര്‍ക്ക് ഇതില്‍ വിശ്വാസ്യത വരേണം. നമ്മള്‍ പഴയതു വിടുകയും ചെയ്തു, പുതിയതില്‍ എത്തിയതുമില്ല എന്ന അവസ്ഥ ഉണ്ടാകരുത്.നമ്മള്‍ സ്വീകരിച്ചു പരിചയിച്ചു പോന്ന വ്യവസ്ഥാപിത രീതികളില്‍ നിന്നും മാറുമ്പോള്‍ ഉണ്ടാവാന്‍ സാധ്യതയുള്ള അങ്കലാപ്പുകളില്‍ നിന്നും നാം മുക്തരാകേണ്ടതാണ്. എനി അങ്ങേക്കു തോന്നുന്ന ശരിയെന്നു പറഞ്ഞ ആ കുറച്ചു കാര്യങ്ങള്‍ പറഞ്ഞാലും.

  11. @ ഷെമി ടീച്ചര്‍

    തീര്‍ച്ചയായും,ഒരധ്യാപിക എന്ന നിലയില്‍ ഈ അഞ്ചു വര്‍ഷത്തെ വളര്‍ച്ച സന്തോഷത്തോടെ തന്നെ അനുഭവിക്കുന്നു. പിന്നെ സി.ഇ- പണ്ട് മോഡറേഷന്‍ കൊടുത്തിരുന്നപ്പോള്‍ ആര്‍ക്കും ഒരു പരാതിയും ഇല്ലായിരുന്നല്ലോ.

    അതും ഇതും തമ്മില്‍ എന്ത് ബന്ധം .അന്നത്തെ കാലത്ത് ഒരു വിഷയത്തിലും ചുരുങ്ങിയത് 10/50 മാര്‍ക്ക്‌ നേടണം.എന്നാല്‍ 12 വിഷയങ്ങളിലും 10 മാര്‍ക്ക് വീതം നേടിയാലും 120/600 ആകുകയുള്ളൂ .ചുരുങ്ങിയത് 180(30%of 600) മാര്‍ക്ക്‌ നേടിയ കുട്ടിക്ക് മാത്രമേ മോഡറേഷന്‍ കൊടുത്തിരുന്നുള്ളൂ ഇന്നു അതാണോ സ്ഥിതി 10/80 കിട്ടിയാല്‍ മതി.മിനിമം മാര്‍ക്ക്‌ എന്നാ ഒരു പരിധി ഇല്ല താനും.

  12. @ ഷെമി ടീച്ചര്‍
    “എന്താണ് ഈ രീതിയില്‍ ഒരു ആരോപണം ഉണ്ടായതിന്റെ കാരണം എന്ന് മനസ്സിലാവുന്നില്ല. കാരണം അത് കുട്ടികളില്‍ ആത്മവിശ്വാസം ഉണ്ടാക്കുന്നു. പരീക്ഷയെ എങ്ങിനെ സമയക്രമം പാലിച്ചുകൊണ്ട് അഭിമുഖീകരിക്കാമെന്ന് മനസ്സിലാക്കികൊടുക്കുന്നു.ഇതിലെല്ലാമുപരി ഉയര്‍ന്ന സ്കോര്‍ നേടാനുള്ള ഒരു പരിശീലനം കൂടിയാണ്.”

    ബഹുമാനപെട്ട ഷെമി ടീച്ചര്‍ ഞാനും പറഞ്ഞു വന്നത് അത് തന്നെ ആണ് പരീക്ഷകള്‍ നടത്തണം.
    കുട്ടികള്‍ പരീക്ഷകള്‍ എഴുതി അവര്‍ തന്നെ ഒരു താളക്രമം ഉണ്ടാക്കണം അതിനു ഹാളില്‍ വരുന്ന അധ്യാപകനെ കുറ്റം പറയരുത്.പരീക്ഷ നടത്തിയ സ്കൂളുകാര്‍ക്കെതിരെ നടപടി എടുക്കാന്‍ വരെ തുനിഞ്ഞത് ഓര്‍മയില്ലേ ?

    കുട്ടികള്‍ ധാരാളം ചോദ്യങ്ങള്‍ പരിചയപെടണം.
    സമയ ക്രമം അവര്‍ ഉണ്ടാകണം.അല്ലാതെ അധ്യാപകന്റെ അടുത്ത് പോയി ഒരു പേപ്പര്‍ വാങ്ങാന്‍ സമയം ഇല്ല എന്ന് പറയുന്നതോനോട് ഞാന്‍ യോജിക്കുനില്ല.വാങ്ങാന്‍ സമയം ഇല്ല എന്ന് പറയുന്നതോനോട് ഞാന്‍ യോജിക്കുനില്ല.

    പരീക്ഷകള്‍ നടത്തുന്നത് കടം തുലക്കാന്‍ ആകരുത്.അത് അതിന്റെതായ ചിട്ടയോടെ നടത്തണം എന്നാണ് പറഞ്ഞത്.ഒരു ദിവസം ഒരു പരീക്ഷ എന്നാ ക്രമത്തില്‍ രാവിലെ പത്തു മുതല്‍ നടത്തട്ടെ .ഇത് ക്ലാസ്സ്‌ എടുക്കയും വേണം ഒപ്പം പരീക്ഷ നടത്തുകയും വേണം.ഉത്തരത്തില്‍ ഉള്ളത് എടുക്കുകയും വേണം കക്ഷത്തില്‍ ഉള്ളത് പോകുകയും അരുത് എന്നാ സ്ഥിതി അതാണ് ഞാന്‍ ചോദ്യം ചെയ്തത് .

    ഞാനും ഒരു പാലക്കാട് ജില്ലക്കാരി തന്നെ ആണ് .ഞാന്‍ ആഗ്രഹികുന്നത് എന്റെ ജില്ല മുന്നില്‍ എത്തണം എന്ന് തന്നെ ആണ്.

  13. വിഷയത്തെക്കുറിച്ച് ശ്രീവര്‍ഷ ഒരല്പം കടന്നു ചിന്തിച്ചോയെന്ന് ഒരു സംശയം. കാരണം, പേപ്പര്‍ വാല്വേഷനല്ല ഇവിടത്തെ വിഷയം. പരീക്ഷ എഴുതിക്കൊണ്ടിരിക്കുന്ന കുട്ടിക്ക് സംഭ്രമം ഇല്ലാതിരിക്കാന്‍ ഒരു ഇന്‍വിജിലേറ്റര്‍ക്കെന്തു ചെയ്യാനാകും എന്നതിനേക്കുറിച്ചാണ് രാമനുണ്ണി സാര്‍ പറഞ്ഞു തുടങ്ങിയത്.

    പാലക്കാട് ജില്ലയിലെ വിജയശ്രീ, ഹരിശ്രീ പ്രൊജക്ടുകളെപ്പറ്റി നേരിട്ടറിയാന്‍ ഇടവന്നിട്ട് എനിക്ക്. അസൂയ തോന്നിയിട്ടുണ്ട് പാലക്കാടിന്റെ ഈ അധ്വാനം കണ്ടിട്ട്. അതിന്റെ കാരണം ഷെമി ടീച്ചര്‍ സൂചിപ്പിക്കുകയും ചെയ്തിട്ടുണ്ടല്ലോ.

    1) ചോദ്യകര്‍ത്താവ് ഊന്നല്‍ കൊടുത്തിരിക്കുന്ന പാഠഭാഗങ്ങള്‍
    2) ചോദ്യങ്ങളുടെ അവതരണം, പിരിവുകള്‍, ഭാഷാ ലാളിത്യം
    3) ചോദ്യങ്ങളുടെ എണ്ണവും മാര്‍ക്കുകളുടെ വിതരണവും
    4) ഫോണ്ടുകളുടെ വലിപ്പം, ചിത്ര വ്യക്തത അടക്കമുള്ള ടൈപ്പ് സെറ്റിങ്
    5) പരീക്ഷാ സമയം, ആഴ്ച, പരീക്ഷകള്‍ തമ്മിലുള്ള ദിവസവ്യത്യാസം
    6) കുട്ടികളുടെ ബുദ്ധി, മികവ്, ശേഷി, തയ്യാറെടുപ്പ്, കയ്യക്ഷരം
    7) പരീക്ഷാ ഹാളിലെ ഭൗതിക സാഹചര്യം
    8) ഇന്‍വിജിലേറ്ററുടെ അനുഭാവപൂര്‍വമായ സാന്നിധ്യം
    9) മൂല്യനിര്‍ണയം നടത്തുന്നയാളിന്റെ മികവ്, ശേഷി, മാനസികാവസ്ഥ
    10) ഡാറ്റാ എന്‍ട്രി നടത്തുന്നയാളിന്റെ ജാഗ്രത
    …………………………

    എന്നിങ്ങനെയുള്ള വിവിധ ഘടകങ്ങള്‍ പരീക്ഷയിലെ ജയപരാജയങ്ങളെ നേരിട്ട് സ്വാധീനിക്കുന്നവയാണ്. മുകളില്‍ സൂചിപ്പിച്ച ഘടകങ്ങളില്‍ ഇനിയും കൂട്ടിച്ചേര്‍ക്കലുകള്‍ വേണ്ടി വന്നേക്കാം.

    മുന്‍പൊരിക്കല്‍ രാമനുണ്ണി മാഷ് പരീക്ഷയിലെ മാര്‍ക്കുകളുടെ വിതരണം, പരീക്ഷാ സമയം തുടങ്ങിയ ഘടകങ്ങളെപ്പറ്റി ഇതുപോലെ ചര്‍ച്ച ചെയ്തിരുന്നു. അത്തരത്തിലൊരു ഘടകമാണ് പരീക്ഷാഹാളിലെ ഇന്‍വിജിലേറ്ററുടെ സാന്നിധ്യവും. ആ ഒരു ഘടകത്തിലെങ്കിലും നമുക്കെന്തെങ്കിലും ചെയ്യാനാകുമോയെന്നായിരുന്നു പോസ്റ്റില്‍ ഉന്നയിച്ചിരുന്നത്.

    നിര്‍ഭാഗ്യവശാല്‍ നമ്മുടെ അധ്യാപകര്‍ ഇതൊന്നും ഗൗരവകരമായ ചര്‍ച്ചയ്ക്ക് വിധേയമാക്കുന്നില്ലായെന്നതില്‍ പരിഭവം വ്യക്തിപരമായി ഞാന്‍ ഇവിടെ സൂചിപ്പിക്കുന്നു.

  14. @ ഷെമി ടീച്ചര്‍
    “പിന്നെ അധ്യാപകസമൂഹത്തെ മൊത്തമായി ആക്ഷേപിക്കുന്നത് തീരെ ശരിയല്ല. പൊതുവിദ്യാലയങ്ങളുടെ മഹത്വം ഉള്‍ക്കൊണ്ടുതന്നെ നല്ലൊരു സമൂഹത്തിനെ വാര്‍ത്തെടുക്കണമെന്ന് ആഗ്രഹിക്കുകയും അതിനായി സ്വന്തം മകനെ ഗവ.സ്ക്കൂളില്‍ തന്നെ പഠിപ്പിക്കുകയും ചെയ്യുന്ന ഒരധ്യാപിക കൂടിയാണ് ഞാന്‍.”

    ടീച്ചര്‍ ഞാന്‍ ഒരിക്കലും അധ്യാപകരെ അല്ല കുറ്റം പറഞ്ഞത് ടീച്ചര്‍ തെറ്റിദ്ധരിച്ചത് ആണ്.നമ്മുടെ വിദ്യാഭ്യാസ രീതിയുടെ ചില നൂന്യതകള്‍ പറഞ്ഞത് ആണ്.നമ്മുടെ പുസ്തകങ്ങള്‍ ഇന്നി സി.ബി.എസ്.സി.,ഐ.സി.എസ്.സി പുസ്തകങ്ങള്‍ നിലവാരം ഉണ്ട് . ഇത് തെളിയിക്കാന്‍ ഒരു സംവാദത്തിനു ഞാന്‍ എവിടെയും തയാറാണ്.

    പക്ഷെ പാട പുസ്തകത്തിലെ അറിവുകള്‍ കുട്ടികളിലേക്ക് ശരിയായി എത്തപെടണംഎങ്കില്‍ രണ്ടു വിഭാഗകാരും,കുട്ടികളും അധ്യാപകനും ഒരേ ആവൃത്തിയില്‍ ചിന്തികുകയും പ്രവര്‍ത്തിക്കുകയും വേണം .ഒരാള്‍ തുഴഞ്ഞത് കൊണ്ട് മാത്രം കരക്ക്‌ അടിപിക്കാവുന്ന തോണി അല്ല ഇത്.അധ്യാപകന്‍ അമരക്കാരന്‍ ആകുമ്പോള്‍ കുട്ടി ചെറുതായി ഒന്ന് സപ്പോര്‍ട്ട് ചെയണം അല്ലാതെ അധ്യാപകന്‍ നന്നായി തുഴഞ്ഞത് കൊണ്ടോ കുട്ടി നന്നായി തുഴഞ്ഞത് കൊണ്ടോ ഇത് വിജയകരമായി കരക്ക്‌ അടുപ്പിക്കാന്‍ പറ്റില്ല .

    ടീച്ചര്‍ ഒരു കാര്യം കൂടി ചോതിചോട്ടെ ഏറ്റവും ചുരുങ്ങിയത് ‘സര്‍ക്കാര്‍ ഉദ്യോഗസ്തരുടെ മക്കള്‍ സര്‍ക്കാര്‍ സ്കൂളില്‍ പഠിക്കണം’ എന്നാ ഒരു നിയമം ഇവിടെ കൊണ്ട് വന്നാല്‍ പിന്നെ പോലീസും വേണ്ട പട്ടാളവും വേണ്ട തല എണ്ണാന്‍.

  15. @ ഹരി സര്‍

    “പേപ്പര്‍ വാല്വേഷനല്ല ഇവിടത്തെ വിഷയം. പരീക്ഷ എഴുതിക്കൊണ്ടിരിക്കുന്ന കുട്ടിക്ക് സംഭ്രമം ഇല്ലാതിരിക്കാന്‍ ഒരു ഇന്‍വിജിലേറ്റര്‍ക്കെന്തു ചെയ്യാനാകും എന്നതിനേക്കുറിച്ചാണ് രാമനുണ്ണി സാര്‍ പറഞ്ഞു തുടങ്ങിയത്.”

    ഞാന്‍ പേപ്പര്‍ വാല്വേഷനെക്കുറിച്ച് ഒന്നും പറഞ്ഞില്ലല്ലോ.കുട്ടിക്ക് സംഭ്രമം ഇല്ലാതിരിക്കാന്‍ കുട്ടി തന്നെ ആണ് മുന്‍കൈ എടുക്കേണ്ടത്.
    ഒരു ചോദ്യം അറിയാതെ വരുമ്പോള്‍ കുട്ടി കാട്ടുന്ന സംഭ്രമം മിക്കവാറും പരീക്ഷ പേടി കൊണ്ട് ആണ് അത് തീര്‍ക്കാന്‍ ഒറ്റ വഴിയെ ഉള്ളു.പരീക്ഷകള്‍ നടത്തി കുട്ടിയിലെ സംഭ്രമം കണ്ടെത്തി അത് ഇല്ലായ്മ ചെയാന്‍ രക്ഷിതാവും അധ്യാപകനും ക്ലാസ് മുറികളില്‍ സമയം കണ്ടെത്തണം.അല്ലാതെ പരീക്ഷ ഹാളില്‍ അധ്യാപകന്‍ വിചാരിച്ചത് കൊണ്ട് മാത്രം ആയില്ല

    കുട്ടിയിലെ പോരായ്മ കണ്ടെത്താന്‍ പരീക്ഷ നടത്തണ്ടേ?അതോ ഇനി മിഡ്‌ ടേം പരീക്ഷയും വേണ്ടാന്ന് വച്ച് കൊല്ല പരീക്ഷ മാത്രം മതിയോ ?

    സര്‍ അക്കമിട്ടു നിരത്തി പറഞ്ഞ കാര്യങ്ങള്‍ പരിഹരിക്കാന്‍ ആണല്ലോ 100/100 വാങ്ങിയവനെയും 90/100 എ പ്ലുസ്സുകാരായി പരിഗണിക്കുന്നത്. എന്നാണ് എന്റെ അറിവ് .

  16. “പാലക്കാട് ജില്ലയിലെ വിജയശ്രീ, ഹരിശ്രീ പ്രൊജക്ടുകളെപ്പറ്റി നേരിട്ടറിയാന്‍ ഇടവന്നിട്ട് എനിക്ക്. അസൂയ തോന്നിയിട്ടുണ്ട് പാലക്കാടിന്റെ ഈ അധ്വാനം കണ്ടിട്ട്”

    ഞാന്‍ ഒരിക്കലും വിജയശ്രീ, ഹരിശ്രീ പ്രൊജക്ടുകളെപ്പറ്റി പറ്റി കുറ്റം പറഞ്ഞതല്ല അത് പല സ്കൂളുകളിലും ഒരു പ്രഹസനം ആയി നടത്തുന്നു.പരീക്ഷ നടത്തുന്നത് അതിന്റെതായ ഗൌരവത്തോടെ അല്ല.രാവിലെ ഒന്‍പതു മുതല്‍ പത്തു വരെ ഒരു പരീക്ഷ അത് കഴിഞ്ഞു നാല് മണി വരെ ക്ലാസ്സ്‌ പിന്നെ അഞ്ചു മണി വരെ വീണ്ടും ഒരു പരീക്ഷ.അതിനു മാറ്റം വരണം.
    ഒരു ദിവസം ഒരു പരീക്ഷ എന്നാ ക്രമത്തില്‍ രാവിലെ പത്തു മുതല്‍ നടത്തട്ടെ.പല കോണ്‍വെന്റ് സ്കൂളുകളും ജില്ലയില്‍ തന്നെ ഇത് നടത്തുന്നില്ല .

    പഠനത്തില്‍ വിവര സാങ്കേതിക വിദ്യയുടെ പ്രയോഗത്തിനായി ഹരിശ്രീ നടത്തുന്ന കാര്യങ്ങളെ ഞാന്‍ അഭിനന്ദിക്കുന്നു.അന്വേഷനാല്‍മകവും ക്രിയല്‍മകവുമായ പഠന പ്രവര്‍ത്തനങ്ങള്‍ തയാരാകുന്നതിലും ഒരു പരിധി വരെ ഇവര്‍ വിജയിച്ചിട്ടുണ്ട് .

    “നിര്‍ഭാഗ്യവശാല്‍ നമ്മുടെ അധ്യാപകര്‍ ഇതൊന്നും ഗൗരവകരമായ ചര്‍ച്ചയ്ക്ക് വിധേയമാക്കുന്നില്ലായെന്നതില്‍ പരിഭവം വ്യക്തിപരമായി ഞാന്‍ ഇവിടെ സൂചിപ്പിക്കുന്നു.”

    അതിന്റെ അര്‍ഥം അദ്ധ്യാപിക അല്ലാത്ത വര്‍ഷ പറയുന്നതില്‍ കാര്യം ഇല്ല എന്ന് ആയിരിക്കും .ശരി എന്നാല്‍ ഇനി അധ്യാപകര്‍ പറയുന്ന ഗൗരവകരമായ ചര്‍ച്ച ഞാന്‍ കേട്ട് മാറി ഇരിക്കാം.

  17. Free says:

    ശ്രീ വര്‍ഷ നമുക്ക് നേരെ പിടിച്ച കണ്ണാടിയില്‍ നോക്കിയപ്പോള്‍ ആര്‍ക്കെങ്കിലും അവരുടെ മുഖം വികൃതമെന്നു തോന്നിയിട്ടുണ്ട് എങ്കില്‍ തീര്‍ച്ചയായും അത് ശ്രീവര്‍ഷയുടെയോ കണ്ണാടി യുടെയോ കുറ്റമല്ല. ഇതേ കണ്ണാടിയില്‍ നോക്കി നമുക്ക് മുഖം മിനുക്കാവുന്നത്തെ ഉള്ളു .
    തനിക്കു ശരിയെന്നു തോന്നുന്നത് പറയുവാനുള്ള വര്‍ഷയുടെ ചങ്കൂറ്റം സ്വാഗതം ചെയ്യുന്നു .

  18. JOHN P A says:

    സത്യത്തിന്റെ ദയനീയമായ മുഖം കാണാന്‍ശ്രമിക്കുമ്പോള്‍ ശ്രീവര്‍ഷ ടീച്ചറിനോട് ഒരു പരിധിവരെ യോജിക്കാതിരിക്കാന്‍ കഴിയുന്നില്ല.ഈ വിഷയത്തില്‍ ഒരു തീവ്രവാദത്തിന്റെ ആവശ്യവുമില്ല.
    C+ ന് താഴെ ഗ്രേഡ് വരാതെ,ക്ലാസിലെ 33 % കുട്ടികള്‍ക്കുവരെ A+ കിട്ടിയ അനുഭവങ്ങള്‍ എനിക്കുണ്ട് . വര്‍ഷടീച്ചര്‍ പറയുന്ന C E പ്രഹസനം നടത്തിയാല്‍ അതു കിട്ടില്ല.
    പിന്നെ വര്‍ഷ ടീട്ടറിനോട് യോജിക്കുന്നത് ഗൗരവപൂര്‍ണ്ണമായ പഠനസമീപന ചിന്തയിലാണ്.ഗണിത പഠനം ഒരു ബൗദ്ധീക പ്രക്രീയയാണ്. ശാസ്ത്രവിഷയങ്ങളും ഒരളവോളം.ഭാഷാവിഷയങ്ങള്‍ അങ്ങനെയല്ലതാനും.
    ആവര്‍ത്തനവും പരിശീലനവും ഒന്നല്ല.ആവ്ര്‍ത്തിച്ചഴുതിയാല്‍ കണക്കുപഠിക്കില്ല. കൈയ്യക്ഷരം നന്നാകും.നന്നായി എഴുതി പരിശീലിച്ചാല്‍ മാത്രം സമയബന്ധിതമായി പരീക്ഷതീര്‍ക്കാന്‍ പറ്റു. പരീക്ഷയ്ക്ക് മാര്‍ക്കികിട്ടുന്നതും പരീക്ഷയ്ക്ക് ഒരുങ്ങുന്നതും (ഒരുക്കുന്നതും) പരസ്പരപൂരകങ്ങളാണ്.
    ഞാന്‍ എന്നും ഉയര്‍ത്തിപ്പിടിക്കാന്‍ ഇഷ്ടപ്പെടുന്ന ഒന്നുണ്ട്.
    കുട്ടിക്കുവേണ്ടി ഗണിതത്തെ പരുവപ്പെടുത്തുന്നതും , ലഘൂരുക്കുന്നതും തെറ്റാണ്. കുട്ടിയെ കണക്കുപഥിക്കാന്‍ സജ്ജമാക്കുന്നതിലാണ്. അദ്ധ്യാപകന്റെ വിജയം.പഠനത്തിന്റെ ആദ്യഘട്ടങ്ങള്ില്‍ താരതമ്യനേ ചിന്താശേഷികുറഞ്ഞവര്‍ക്ക് ചില പഠനമാതൃകകള്‍ ആകാം .IT സഹായമോ , aid കളോ ഒക്കെ. ഗണിതപഠനം അതിനോക്കെ അപ്പുറത്തുതന്നെയാണ്.

  19. Anjana says:

    ശ്രീ വര്‍ഷയുടെ ഒറ്റയാള്‍ പോരാട്ടം കൌതുകമുണര്‍ത്തുന്നു.
    പുതിയപരിഷ്ക്കാരത്ത്തിന്റെ വാക്താക്കള്‍ ഇടക്കിടെ പറഞ്ഞുകൊണ്ടിരിക്കുന്ന ഒരു കാര്യമുണ്ട്. നിര്‍ഭാഗ്യവശാല്‍ ജനാര്ദ്ധനന്‍ സാറിന്റെ കമന്ടിലും അത് കാണുന്നു:
    “പഠന നിലവാരം എന്നതു കൊണ്ട് ഉദ്ദേശിക്കുന്നത് എന്താണ്. കുറെക്കാര്യങ്ങള്‍ ഹൃദിസ്ഥമാക്കിവെച്ച് അവ ഉത്തരക്കടലാസിലേക്ക് ഛര്‍ദ്ദിച്ചുവെച്ച് 90-100 ശതമാനം മാര്‍ക്കു വാങ്ങിക്കുന്നതാണോ?”

    90-100 ശതമാനം മാര്‍ക്ക് നേടുന്നത് ഉത്തരങ്ങള്‍ മന:പാഠം ചെയ്തു ഛര്‍ദ്ദിച്ചിട്ടാണെന്നു ഇത്ര ഉറച്ച ബോധ്യം ഉണ്ടാകുന്നെങ്ങനെയാണാവോ?
    കാര്യങ്ങള്‍ കുറച്ചെങ്കിലും മനസ്സിലാകാത്തവര്‍ക്ക് അത് ഓര്‍മയില്‍ സൂക്ഷിക്കാനും പറ്റില്ല. ഒരു കവിത കാണാതെ പഠിക്കുമ്പോള്‍ പോലും അതിന്റെ ആശയമോ ഈണമോ, അല്ലെങ്കില്‍ പ്രത്യക്ഷമായ വൈകാരികഭാവമെങ്കിലും, മനസ്സിലാക്കിയാലെ സാധിക്കൂ. ഇതൊന്നുമറിയാതെ മന:പാഠം ആക്കുന്നതിനു ഒരു പരിധിയും പരിമിതിയും ഉണ്ട്. ഗണിതതിന്റെയോ ഭൌതികതിന്റെയോ കാര്യമെടുത്താല്‍ ഒരു സൂത്രവാക്യം ഹൃദിസ്ഥമാക്കണമെങ്കില്‍ പോലും ചില ആശയങ്ങള്‍ അറിഞ്ഞിരിക്കണം; ചില ബന്ധങ്ങളും ചില ചേര്‍ച്ചകളും മനസ്സിലാക്കിയിരിക്കണം. ചോദ്യങ്ങള്‍ ഒരല്പം നേര്‍വഴിവിട്ടാല്‍ യുക്തിയും ബുദ്ധിയും ക്ഷമയും ഒരുമിക്കണം. ഓര്‍മയും ബുദ്ധിയും വെള്ളം കടക്കാത്ത അറകളില്‍ അടക്കപ്പെട്ട രണ്ടു entity -കളാണെന്നു തോന്നുന്നില്ല. ഈ പരിഷ്കാരങ്ങള്‍ വരുന്നതിനു മുന്‍പ് 90-100 ശതമാനം മാര്‍ക്ക് നേടിയവര്‍ ഛര്‍ദ്ദിച്ച് നേടിയതുമല്ല.

    ശ്രീവര്‍ഷ ചൂണ്ടിക്കാണിച്ച ഒരു കാര്യം ശരിയാണ്: സ്കൂള്‍ തല പുസ്തകങ്ങള്‍ മികച്ചവതന്നെയാണ്. CBSE/ICSE ക്കാരുടെ മുന്നില്‍ തലകുനിക്കേണ്ട കാര്യമൊന്നുമില്ല, പക്ഷെ മൂല്യ നിര്‍ണയം , ഇവിടെ ഒരു ഗംഭീര തമാശയായി തുടരുന്നു എന്ന് വേണം കരുതാന്‍.

    പൊള്ള വര്‍ത്തമാനങ്ങളുടെ പൊയ്ക്കാലുകളില്‍ നിലയുറപ്പിച്ച ചില കാര്യങ്ങള്‍ പുതിയ പരിഷ്ക്കാരങ്ങളിലും ഉണ്ടെന്നു തോന്നുന്നു. അത് കാലം പുറത്തുകൊണ്ടുവരും. പക്ഷെ അപ്പോഴേക്കും ബലിയാടുകള്‍ പെരുവഴിയിലായിട്ടുണ്ടാകും !

  20. Text books are good, the method of teaching is good..
    but the problem is with.. whether these are practical in our classrooms.
    Teachers are not only teaching..

    I got this from an orukut community kerala teachers…

    I have to work 30 periods (avg) a week
    means only 2 periods free for a day
    In most of the days during that periods we have extra work
    *we have to complete attendence register, consolidated fee register
    *we have to give ente maam & complete its record
    *we have to keep kanji register
    *we have to give the list of BPL students,Muslim students,girls,boys list
    whenever needed -almost all the days in the begining
    *we have to check whether sufficient number of students are there …otherwise we will lose our job
    *we have to give the lumsum grant
    *we have to complete the PTA receipt
    *we have to complete the fees receipt
    *we have to take the students to hospital when there is a need,we have to call his parents to take him to home..etc
    *we have to solve the usual ‘stunt performances’ & romantic problems of our students
    *we hav to counsel them against drug use like hans & panparag…
    *we have to spend our class time to ask the school bus fee ,computer fee sp fee.
    *we have to take books from the store & give the students
    *we have to arrange students in assembly
    *we have to check whether they are in proper uniform
    *we have to do the work of a ‘kili’ in school bus if he is on leave
    Coming back to studies….
    *we have to complete a lot of portions within a short span of time…within november we have to compete our portions
    *we have to write the new long teaching manual everyday
    *we have to correct our answer papers
    *we have to complete progress reports
    *we have to write year plan,month plan etc
    * we have to conduct arts festival,sports…etc
    * we have to do assignments,seminars,practicals,test papers,projects within this time and evaluate it…
    I do agree that these all are part of our job….
    But I don’t understand
    1.Why you people always says that we are not working?
    2.DO you think that we can complete all these work with in 10 to 4 with one or two free periods?
    During vacccation time we are begging people to admit their children in our school…otherwise we may lose our job

    others are handling files….but we r handling minds
    A person with over workpressure cannot be of sound mind and he can’t
    handle minds in the right way

  21. പരീക്ഷാഹാളില്‍ അധ്യാപകന്‍ കുട്ടിക്ക് അനുവദിച്ച സമയം ശരിയായി വിനിയോഗിക്കാനുള്ള അനുമതിനല്‍കുന്നതുമായി ബന്ധപ്പെട്ട ഒരു കുഞ്ഞു ചര്‍ച്ചയാണ് ഈ പോസ്റ്റ് ആഗ്രഹിച്ചത്. ഈ ചര്‍ച്ചയൊഴികെ സ്കൂള്‍സിസ്റ്റത്തെക്കുറിച്ചുള്ള ആഗോള ചര്‍ച്ചകള്‍ മുഴുവന്‍ കടത്തിവിട്ട് , തന്റെ സ്വന്തം നിരീക്ഷണങ്ങളൊക്കെ തത്വവത്ക്കരിച്ച് പരിഭ്രമിച്ച്, ചര്‍ച്ചകളൊക്കെ വഴിതിരിച്ചുവിട്ട സര്‍വശ്രീ വര്‍ഷ, ചിക്കു, ഫ്രീ, അഞ്ജ്ന എന്നിവര്‍ക്ക് നന്ദി.
    ഇനി വീണ്ടും തുടങ്ങാം: പരീക്ഷാഹാളില്‍ അധ്യാപകന്റെ ചുമതലയെ സംബന്ധിച്ച സംഗതികള്‍.
    മറ്റു വിഷയങ്ങള്‍ക്കുള്ള പോസ്റ്റുകള്‍ ഉണ്ടാവണം. അതില്‍ ചര്‍ച്ചകളും നടക്കണം.
    പോസ്റ്റുകള്‍: സി.ഇ/ ഗ്രേഡിങ്ങ്/ പാലക്കാട്ടെ ഹരിശ്രീ/ വിജയശ്രീ/ ഐ.ടി പരീക്ഷ/ ഇലക്ഷന്‍ ഡ്യൂട്ടി/ അധ്യാപകരുടെ ജോലിഭാരം/ പരീക്ഷാ പരിഷ്കരണം/ പരീക്ഷാകേന്ദ്രം ഊട്ടി ?/മൂല്യനിര്‍ണ്ണയനം.

  22. @anjana “ശ്രീ വര്‍ഷയുടെ ഒറ്റയാള്‍ പോരാട്ടം കൌതുകമുണര്‍ത്തുന്നു.”
    വളരെ ശരിയായ നിരീക്ഷണം. ഒരു പോസ്റ്റിന്റെ ചർച്ചാ വിഷയം തന്നെ മാറ്റിമറിച്ചില്ലേ കുട്ടി! നന്ദി.

  23. Free says:

    ബഹുമാന്യനായ രാമനുണ്ണി മാഷിന്റെ പോസ്റ്റില്‍ ഊന്നല്‍ നല്‍കുന്ന വിഷയങ്ങള്‍ ചര്‍ച്ച ചെയ്യാന്‍ അധ്യാപകര്‍ക്ക് വലിയ താല്‍പ്പര്യമൊന്നും കാണില്ല .
    തനിക്കു TIME TABLE – ലൂടെ ഹെഡ് മാസ്റര്‍ നീക്കി വച്ചിരിക്കുന്ന ഡ്യൂട്ടി എങ്ങനെയും തീര്‍ക്കുക എന്ന ലക്ഷ്യത്തിനു വേണ്ടി (മിക്കവാറും പ്രസംഗ രീതി തന്നെ ) എത്ര സമയം വേണമെങ്കിലും ( സ്പെഷ്യല്‍ ക്ലാസ് ഉള്‍പ്പെടെ ) ചെലവഴിക്കാന്‍ തയ്യാറുള്ളവര്‍ പോലും മൂല്യ നിര്‍ണയത്തിന്റെ കാര്യം വരുമ്പോള്‍ വെറും “യന്തിരന്‍” മാരായി മാറുന്ന കാഴ്ച എല്ലാ സ്കൂളിന്റെയും ശാപം തന്നെയാണ് . ഇത് സംഭവിക്കുന്നത്‌ പഠിപ്പിക്കലിന് അളവ് കോല്‍ ഉണ്ടായിരിക്കുകയും എന്നാല്‍ പരീക്ഷ ഹാളിലെ ഡ്യൂട്ടി ക്ക് അത് ഇല്ലാതിരിക്കുകയും ചെയ്യുന്നതുകൊണ്ടാണ് . കുട്ടികള്‍ക്ക് ചോദ്യ കടലാസുകള്‍ വിതരണം ചെയ്തതിനുശേഷം വരാന്തയില്‍ ഇറങ്ങി നിന്ന് പരദൂഷണം (ഇതേ വാക്കില്‍ ഉറച്ചു നില്‍ക്കുന്നു ) പറയുകയും ചെയ്യുന്നവര്‍ എത്രയോ ഉണ്ട് .
    ഇങ്ങനെയുള്ള സാഹചര്യത്തില്‍ ആണ് രാമനുണ്ണി മാഷിന്റെ പോസ്റ്റ്‌ വിഴുങ്ങപ്പെടുകയും , ശ്രീ വര്‍ഷയുടെ കമന്റ് സ്വയമേവ പോസ്റ്റ്‌ ആയി മാറുകയും അത് ചര്‍ച്ച ചെയ്യപ്പെടുകയും ചെയ്തത് .

  24. @ രാമനുണ്ണി മാസ്റ്റര്‍

    ഈ ചര്‍ച്ചയൊഴികെ സ്കൂള്‍സിസ്റ്റത്തെക്കുറിച്ചുള്ള ആഗോള ചര്‍ച്ചകള്‍ മുഴുവന്‍ കടത്തിവിട്ട്,തന്റെ സ്വന്തം നിരീക്ഷണങ്ങളൊക്കെ തത്വവത്ക്കരിച്ച് പരിഭ്രമിച്ച്, ചര്‍ച്ചകളൊക്കെ വഴിതിരിച്ചുവിട്ട സര്‍വശ്രീ വര്‍ഷ എഴുതുന്നു

    സാറിന്റെ പോസ്റ്റുകളിലെ ചില ഭാഗങ്ങള്‍ താഴെ കൊടുക്കുന്നു

    1)അധ്യാപകര്‍ പരീക്ഷാഡ്യൂട്ടി ഒരു സൊല്ലയായാണ് കാണുന്നത്. പരീക്ഷ കഴിഞ്ഞുള്ള പേപ്പര്‍ നോക്കാന്‍ ഇതിലും വലിയ ബുദ്ധിമുട്ടാണ് പലര്‍ക്കും.എന്നാല്‍ എസ്.എസ്.എല്‍.സി. പേപ്പര്‍ വാല്യുവേഷന്‍ സുഖം. അതിനോടിപ്പിടിച്ചെത്തും. സറണ്ടര്‍ ലീവെന്ന സൌഭാഗ്യം ആകര്‍ഷണം. സ്കൂള്‍ പരീക്ഷാഡ്യൂട്ടിയില്ലെന്ന അറിവ് എപ്പോഴും അധ്യാപകന്ന് സ്വര്‍ഗ്ഗം കിട്ടുന്നപോലെയാണല്ലോ. എന്നാൽ അധ്യാപകന്റെ പരീക്ഷാദ്വേഷം കുട്ടിയെ ബാധിക്കുന്നു എന്നാണ് നാം അറിയേണ്ടത്.

    2)1.45 മുതല്‍ പരീക്ഷ കഴിയുന്നതുവരെയുള്ള സമയം പൂര്‍ണ്ണമായും കുട്ടിക്ക് അവകാശപ്പെട്ടതാണ്. ഇതില്‍ ഇടപെടാനും മറ്റുകാര്യങ്ങള്‍ ചെയ്യിക്കാനും അധ്യാപകന്ന് യാതൊരവകാശവുമില്ല.

    3)ലോങ്ങ്ബെല്ല് അടിക്കുമ്പോഴേക്ക് എല്ലാം വാങ്ങി എണ്ണി ശരിയാക്കി ഓഫീസില്‍ എത്തിയിരിക്കും നമ്മുടെ കര്‍ത്തവ്യ നിരതന്‍. ഹേഡ്മാഷക്കും ഇതൊക്കെ ഒന്നു കെട്ടിവെച്ചു ശരിയാക്കി വേണമല്ലോ ഉത്തരവാദിത്തം പൂര്‍ത്തിയാക്കാന്‍.

    ഈ പറഞ്ഞതില്‍ സര്‍ ഏത് വിഭാഗത്തില്‍ പെടും .സാറിന്റെ സ്കൂളില്‍ ഇങ്ങനെ തന്നെ ആണോ നടക്കുന്നത് .

  25. ഈ പറഞ്ഞ രീതിയില്‍ അല്ലാത്ത അധ്യാപകരും ഉണ്ട് .തന്റെ ജോലി കൃത്യമായി ചെയ്തു കുട്ടികളെ നേര്‍ വഴിയിലേക്ക് നയിക്കാന്‍ പറ്റുന്ന അധ്യാപകരും നമ്മുടെ ഇടയില്‍ ഉണ്ട്.പക്ഷെ അവര്‍ക്ക് ഒരു വലിയ പ്രശ്നം സ്വന്തം സ്കൂളിലെ അധ്യാപകര്‍ തന്നെ ആണ്.

    പരീക്ഷയോടു അടുപിച്ചു ഒരു സ്പെഷ്യല്‍ ക്ലാസ് വക്കും രാവിലെ പത്തു മണി മുതല്‍ ഉച്ചക്ക് ഒരു മണി വരെ എടുത്തു തീര്‍ക്കുന്ന പാഠം നാല് അത്തരം അധ്യാപകര്‍ക്ക് മുന്‍പേ പറഞ്ഞ അധ്യാപകരെ കാണുമ്പോള്‍ ഒരു പുച്ഛം .
    പിന്നെ മെല്ലെ പാര വെപ്പ് തുടങ്ങല്‍ ആയി അല്പം രാഷ്ട്രീയം കലര്തല്‍ ആയി .

    (ബ്ലോഗ്‌ വായിക്കുന്ന സര്‍ക്കാര്‍, Aided സ്കൂളുകളില്‍ ജോലി ചെയുന്ന സാറന്മാരെ ഞാന്‍ പറഞ്ഞ അനുഭവം ഉണ്ടായിട്ടുണ്ടോ?ഉണ്ട് എന്ന് എനിക്കറിയാം)

    കുറിപ്പ് :അവന്‍ തെക്കനാ ഇവിടെ നമുക്ക് ഇടയില്‍ വന്നു അങ്ങിനെ ഷൈന്‍ ചെയ്യണ്ട എന്ന് പറയുന്നവരും കാണും(ഒരു പാലക്കാടന്‍ സ്വകാര്യം)

  26. ഹോംസ് പേര് മാറ്റിയതാണോ ഈ വര്‍ഷ …..
    എന്തായാലും വിമര്‍ശനങ്ങള്‍ നന്നാവുന്നുണ്ട് …..

  27. vijayan says:

    @ ശ്രീ വര്‍ഷ ,
    രാമനുണ്ണി സര്‍ ഏത് വിഭാഗത്തില്‍ പെടുന്നു അല്ല പ്രശ്നം ,എന്താണ് രേഖപ്പെടുതിയതെന്നതാണ് പ്രശ്നം .നിങ്ങള്‍ കണ്ടെത്തിയത് പൂര്‍ണമായും ശറിയാന് .സമയ നിയെന്ത്രണത്തില്‍ നമുക്ക് എന്ത് ചെയ്യാന്‍ സാധിക്കും ?അധ്യാപകര്‍ക്ക് (invigilators) ക്ലാസ് റൂമില്‍ നിന്ന് കൊണ്ട് തന്ടെ മുമ്പിലുള്ള കുട്ടികളെ നിശ്ചിത സമയത്തിനുള്ളില്‍ പരീക്ഷ എഴുതിക്കാനുള്ള ഏത് തരത്തിലുള്ള ശ്രമമാണ് ഫലപ്രദം?

  28. @ ബഹുമാനപെട്ട വിജയന്‍ സര്‍

    സ്കൂള്‍ തലത്തില്‍ പരീക്ഷകള്‍ നടത്തി കുട്ടികളിലെ ന്യൂനതകള്‍ മനസ്സിലാകി അത് പരിഹരിക്കാന്‍ ക്ലാസ് മുറികളില്‍ തന്നെ ഒരു ശ്രമം ഉണ്ടാവണം .കുട്ടി ഏതൊക്കെ വിഷയത്തില്‍ ആണ് പുറകില്‍ നില്‍ക്കുനതു അതിന്റെ കാരണം എന്താണ് ? കുട്ടിക്ക് പരീക്ഷ നിശ്ചിത സമയത്തില്‍ എഴുതി തീര്‍ക്കാന്‍ കഴിയുനില്ല എങ്കില്‍ അത് പരിഹരിക്കാന്‍ കുട്ടിയെ ഏതൊക്കെ രീതിയില്‍ സഹായിക്കാം .നിശ്ചിത സമയത്ത് പരീക്ഷ എഴുതി തീര്‍ക്കാന്‍ കുട്ടി എന്തൊക്കെ കാര്യങ്ങള്‍ ചെയണം .ഈ വക കാര്യങ്ങള്‍ അതതു വിഷയം എടുക്കുന്ന അധ്യാപകര്‍ അതിന്റെതായ പ്രാധാന്യത്തോടെ കുട്ടിക്ക് പറഞ്ഞു കൊടുത്താല്‍ പിന്നെ കുട്ടിക്ക് ഒരു പരിഭ്രമം ഉണ്ടാവില്ല .

    ഉപ്പോളം വരുമോ ഉപ്പിലിട്ടത്‌ ?ദിവസേന കാണുന്ന ക്ലാസ് എടുക്കുന്ന അധ്യാപകന്‍ പറയുമ്പോള്‍ അത് കുട്ടിയിലേക്ക്‌ ഏതാപെടാന്‍ സാധ്യത കൂടുതല്‍ ആണ്.

    അതിനു നമ്മള്‍ പറയുന്നത് പരീക്ഷ പരീക്ഷണം ആവുന്നു എന്നാണ്.കുട്ടിയുടെ അറിവ് പരീക്ഷിക്കാന്‍ തന്നെ ആണ് പരീക്ഷ.വിദേശ രാജ്യങ്ങളിലെ പല പ്രഗല്‍ഭ വിദ്യാഭ്യാസ സ്ഥാപനങ്ങളിലും ഒരു നിശ്ചിത പാഠ പുസ്തകം പോലും ഇല്ല എന്ന് അറിയുന്നു.അവരുടെ സിലബസ്സില്‍ ഉള്ള കാര്യങ്ങള്‍ കുട്ടി തന്നെ അതുമായി ബന്ധപെട്ട പുസ്തകങ്ങളിലൂടെ സഞ്ചരിച്ചു അറിവ് നേടി തന്റെ സംശയങ്ങള്‍ അധ്യാപകരോട് ചോതിച്ചു മനസിലാക്കി പഠിക്കുന്ന ഒരു രീതി .അത്രയും പരീക്ഷണം ഇവിടെ ഇല്ലല്ലോ.പിന്നെ പരീക്ഷ ജയിക്കുന്ന പരീക്ഷണം നേരത്തെ പറഞ്ഞല്ലോ ?വെറുതെ ഒന്ന് പോയി ഇരുന്നു കൊടുത്താല്‍ ഡി പ്ലുസും കിട്ടി

    വല്ലാത്ത പരീക്ഷണം തന്നെ

  29. @ ജോണ്‍ സര്‍
    “കുട്ടിക്കുവേണ്ടി ഗണിതത്തെ പരുവപ്പെടുത്തുന്നതും , ലഘൂരുക്കുന്നതും തെറ്റാണ്. കുട്ടിയെ കണക്കുപഥിക്കാന്‍ സജ്ജമാക്കുന്നതിലാണ്. അദ്ധ്യാപകന്റെ വിജയം”

    എന്താണ് പൊളിനോമിയലും ബീജ ഗണിത പദവും തമ്മിലുള്ള വ്യത്യാസം എന്ന് അറിയാത്ത കുട്ടിയും ഈ പാഠഭാഗത്ത്‌ നിന്നും വരുന്ന എല്ലാ ചോദ്യങ്ങള്‍ക്കും ഉത്തരം എഴുതുന്നു.ഇല്ലേ ?

    പിന്നെ ഏറ്റവും രസകരമായ ഒരു കാര്യം അവസാന പരീക്ഷക്ക്‌ ആകെയുള്ള പത്തു പാഠങ്ങളില്‍ നിന്ന് കുറച്ചെണ്ണം ഒഴിവാക്കും.അത് എന്തിനാണ് എന്ന് ഇത് വരെ ഒഴിവാകിയവര്‍ക്കും കൂടി അറിയില്ല .കുട്ടിയുടെ പഠന ഭാരം കുറക്കാന്‍ ആണ് ഒരു വിഭാഗം.അതിനു ഏറ്റവും നല്ല വഴി എല്ലാ പാഠവും ഒഴിവാകി പരീക്ഷ എന്നാ പരീക്ഷണവും വേണ്ട എന്ന് വച്ചാല്‍ പിന്നെ ഭാരമേ ഇല്ല .കഴിയുമെങ്കില്‍ എല്ലാവര്ക്കും ഒരു എ പ്ലുസും കൂടി കൊടുത്താല്‍ സംഗതി ക്ലീന്‍.

  30. Free says:

    @ ശ്രീവര്‍ഷ
    ഞങ്ങള്‍ അധ്യാപകര്‍ സര്‍വ്വായുധങ്ങളും വെച്ചു കീഴടങ്ങിയിരിക്കുന്നു .
    ഒരു +2 student -ന്റെ ( ref : your blog ) നേര്‍ക്കാഴ്ച്ചകള്‍ക്ക് മുന്‍പില്‍ .
    ഇനി ഈ ശവങ്ങളില്‍ കുത്തി വേദനിപ്പിക്കരുത് .

  31. ഞങ്ങള്‍ അധ്യാപകര്‍ സര്‍വ്വായുധങ്ങളും വെച്ചു കീഴടങ്ങിയിരിക്കുന്നു .
    ഇനി ഈ ശവങ്ങളില്‍ കുത്തി വേദനിപ്പിക്കരുത് .

    ഇത് കാര്യമായിട്ട് എഴുതിയതായാലും അല്ല ആക്ഷേപഹാസ്യമായി എഴുതിയതായാലും ക്ഷമിക്കാന്‍ കഴിയുന്നതല്ല.
    ആധുനിക വിദ്യാഭ്യാസത്തിലായാലും പൌരാണിക വിദ്യാഭ്യാസത്തിലായാലും മൂല്യനിര്‍ണ്ണയങ്ങള്‍ ഉണ്ടായിരുന്നു. എന്നാല്‍ സാന്ദീപനിയുടെ കാലത്തുണ്ടായിരുന്ന മൂല്യനിര്‍ണ്ണയരീതികള്‍ തന്നെയാണ് ഉത്തമമെന്നും അതു തന്നെ ഇന്നും തുടരണമെന്നും വാദിക്കുന്നവരുണ്ട്. അതുപോലെത്തന്നെയാണ് പത്തു വര്‍ഷം മുമ്പുള്ളത് തന്നെ ഇന്നും തുടരണമെന്ന് പറയുന്നതിലെ യുക്തി. പഠനത്തിനും ബോധനത്തിനും മനശ്ശാസ്ത്ര പാഠങ്ങളെയാണ് നാം കൂട്ടു പിടിക്കുന്നത്. ഇവ കാലാകാലങ്ങളില്‍ മാറിക്കൊണ്ടിരിക്കുകയാണു താനും. ഇന്നു നാം മനസ്സിലാക്കുന്ന മാറ്റം അന്തിമമായതൊന്നുമല്ല. പക്ഷെ നാളത്തെ പുതിയ മാറ്റം വരുന്നതു വരെ നാം ഇന്നിന്റെ കൂടെയായിരിക്കണം. അല്ലാതെ ശരിയല്ലെന്നു കണ്ട ഇന്നലെകളുടെ കൂടെയായിരിക്കരുത്.
    പാവ്ലോവിന്റെ പ്രതികരണ സിദ്ധാന്തത്തെ ചുവടു പിടിച്ചായിരുന്നു എന്റെ ആദ്യ ട്രെയിനിംഗ് കാലത്തെ പഠന സിദ്ധാന്തങ്ങള്‍ രൂപപ്പെടുത്തിയിരുന്നത്.പിന്നീട് ജ്ഞാനവികസനത്തിലേക്കും ജ്ഞാതൃവികസനത്തിലേക്കും അതുവഴിമാറി. അതിനപ്പുറത്തേക്കും നാം ചിന്തിച്ചു തുടങ്ങിയിരിക്കുന്നു.
    മെച്ചപ്പെട്ട കുട്ടി നല്ല ഐ.ക്യു. ഉള്ളവനാണെന്ന ധാരണ തന്നെ മാറി.പഠനം മൂലം ഉന്നതനാകുന്ന ഒരു കുട്ടിയുടെ ഐ.ക്യു വിനൊപ്പം അവന്റെ ഇ.ക്യു വും(Emotional Quiotent)വി,ഐ യും(Verbal Intelligence)മെച്ചപ്പെട്ടാല്‍ മാത്രമെ അവനെ ബുദ്ധിമാനായ കുട്ടിയായി ഇന്നു കണക്കാക്കുന്നുള്ളൂ.
    ഇതിന്റെയെല്ലാം അടിത്തറ അവനിലുള്ള കഴിവുകള്‍ തന്നെയാണെന്നും അതു പോഷിപ്പിച്ചെടുക്കാനുള്ള ബോധപൂര്‍വമായ ശ്രമവും പ്രോത്സാഹനവുമാണ് നാം അധ്യാപകര്‍ ചെയ്യേണ്ടതെന്നും മനസ്സിലാക്കിയാല്‍ സംഗതി എളുപ്പമായി.തന്മൂലം അവനിലുണ്ടാവുന്ന മാറ്റം അതാതു സമയത്തു തന്നെ മൂല്യനിര്ണ്ണയത്തിലൂടെ കണ്ടെത്തുകയും പരിഹാരബോധനവും തുടര്‍മൂല്യനിര്‍ണ്ണയവും നടത്തേണ്ടതുമാണ്.

    ഇ.ക്യു വും വി.ഐയും പലപ്പോഴും നമ്മുടെ ഏ+ കാരില്‍ ചിലരില്‍ കണികാണാന്‍ കിട്ടാറില്ല.( അഞ്ജന ടീച്ചര്‍ ക്ഷമിക്കണം!)

  32. JOHN P A says:

    ശ്രീവര്‍ഷ
    പോളിനോമിയല്‍ ഹൈസ്ക്കുളില്‍ നിന്നും എടുത്തുമാറ്റേണ്ട സമയം അതിക്രമിച്ചിരിക്കുന്നു.പ്രസിദ്ധനായ ഒരു ചോദ്യകര്‍ത്താവ് പണ്ടൊരിക്കല്‍ പോളിനോമിയലില്‍ നിന്നും ഒരു ചോദ്യമെഴുതി.
    “ഒരു ചതുരാകൃതിയിലുള്ള പുരയിടത്തിന്റെ നീളം 4×3+4x+1, വീതി x3 – 5x – 2. വിസ്തീര്‍ണ്ണമെത്ര?
    നിത്യജീവിതത്തെ പോളിനോമിയലുമായി ബന്ധിപ്പിച്ചതാണ്!
    ഇനിമുതല്‍ നമുക്ക് പറമ്പളക്കുന്നത് ഇങ്ങനെയാകാം
    വിഷയം ,കുട്ടി ,ബോധനം ഇവ തുല്യപ്രാധാന്യമര്‍ഹിക്കുന്നുട

  33. @ ജോണ്‍ സര്‍
    “പോളിനോമിയല്‍ ഹൈസ്ക്കുളില്‍ നിന്നും എടുത്തുമാറ്റേണ്ട സമയം അതിക്രമിച്ചിരിക്കുന്നു”

    എനിക്ക് മനസ്സിലായില്ല എന്താണ് ഉദ്ദേശിച്ചത് എന്ന്.
    ആറാം ക്ലാസ്സിലും എഴാം ക്ലാസ്സിലും എട്ടാം ക്ലാസിലെ ബീജഗണിതത്തിന്റെ പല പ്രയോഗങ്ങളും കുട്ടി പരിച്ചയപെട്ടിട്ടുണ്ട്.ബീജഗണിത വാചകങ്ങളെ കുറിച്ച് കുട്ടിക്ക് ഒരു ധാരണാ കൈ വന്ന സ്ഥിതിക്ക് ബീജഗണിത വാചകങ്ങളെ അവയുടെ സവിശേഷതയുടെ അടിസ്ഥാനത്തില്‍
    വര്‍ഗീകരികുന്നത് കുട്ടിക്ക് മനസ്സിലാവണം അതിനാണ് പോളിനോമിയല്‍ എന്നാ പാഠം.

    ഒന്‍പതാംക്ലാസ്സിനെ തുടര്നുള്ള ഗണിത പഠനത്തിന്റെ എല്ലാ മേഖലകളിലും പോളിനോമിയലിനെ കുറിച്ചുള്ള അറിവ് ഏറെ പ്രാധാന്യം അര്‍ഹിക്കുന്ന ഒന്നാണ് . പ്ലസ്‌വണ്‍ ക്ലാസുകളില്‍ പഠിക്കുന്ന എകധം എന്നാ ആശയം ഇതിലൂടെ രൂപപെടുത്തി എടുക്കാന്‍ കഴിയും

    പോളിനോമിയല്‍ ഘടക ക്രിയയില്‍ മാത്രം ഒതുക്കിയതാണ് തെറ്റ് . വിവിധ സാധ്യതകള്‍ പാഠഭാഗത്ത്‌ ഇല്ല എന്ന് കരുതി പോളി നോമിയല്‍ വേണ്ട എന്ന് പറയുന്നതിലെ ഔചിത്യം മനസ്സിലാവുന്നില്ല .

    “30m/s വേഗത്തില്‍ ഒരു കല്ല്‌ മുകളിലോട്ടു എറിയുന്നു.,ഈ കല്ലിന്റെ വേഗത ഓരോ സെക്കന്‍ഡിലും 8m/s വീതം കുറയുന്നു.
    ‘t’സെക്കന്‍ന്റുകള്‍ കഴിയുമ്പോള്‍ കല്ലിന്റെ വേഗത എന്ത്?”ഇതില്‍ പ്രായോഗികത ഇല്ലേ?

  34. “”ഒരു ചതുരാകൃതിയിലുള്ള പുരയിടത്തിന്റെ നീളം 4×3+4x+1, വീതി x3 – 5x – 2. വിസ്തീര്‍ണ്ണമെത്ര?
    നിത്യജീവിതത്തെ പോളിനോമിയലുമായി ബന്ധിപ്പിച്ചതാണ്!
    ഇനിമുതല്‍ നമുക്ക് പറമ്പളക്കുന്നത് ഇങ്ങനെയാകാം”

    ഇവിടെ ചോദ്യ കര്‍ത്താവ്‌ ഒരു ചതുരത്തിന്റെ പരപ്പളവു എങ്ങിനെ കാണാം എന്ന് കുട്ടിക്ക് അറിയുമോ എന്നും ആ ആശയത്തിലൂടെ കുട്ടി പോളിനോമിയലുകളുടെ ഗുണം ചെയ്യണം എന്നുമാണ് കരുതിയത്‌ ഗണിതത്തിന്റെ എല്ലാ ആശയങ്ങളും നിത്യ ജീവിതത്തില്‍ കാണണം എന്ന് ഉണ്ടോ ?

    അങ്ങിനെ നിത്യജീവിതവുമായി ബന്ധം ഉണ്ട് എന്ന് കാണിക്കാന്‍ വേണ്ടി ബോധപൂര്‍വം ഒരു ശ്രമം ചോദ്യ കര്‍ത്താവു നടത്തുമ്പോള്‍ ഇത്തരം തെറ്റുകള്‍ കടന്നു വരുന്നു.ചിലപ്പോള്‍ അധ്യാപകന്റെ തല വരെ പോയേക്കും .എന്തിനു അങ്ങിനെ ഒരു ശ്രമം നടത്തണം.

  35. @ ജോണ്‍ സര്‍
    ഈ ചര്‍ച്ച അവസാനിപിക്കുനതിനു മുന്‍പ് ഞാന്‍ ഒരു കാര്യം കൂടി പറഞ്ഞു നിര്‍ത്താം

    1)അടുത്ത വര്‍ഷത്തെ പത്താം ക്ലാസ്സിലെ പുസ്തകം വരുമ്പോള്‍ അതില്‍ രേഖീയ സംഖ്യകള്‍ , നിര്‍ദേശാങ്ക ജ്യാമിതി എന്നിവയിലെ ആശയങ്ങള്‍ യോജിപ്പിച്ച് C.O ഒരു അദ്ധ്യായതിലൂടെ തന്നെ നല്‍കിയാല്‍ പോരെ

    2)ദ്വിമാന സമവാക്യങ്ങളില്‍ ജ്യാമിതീയ രീതി കൂടുതല്‍ തലങ്ങളില്‍ ഉപയോഗിക്കുന്നത് നല്ലത് ആയിരിക്കും.രണ്ടാം കൃതിയില്‍ ഉള്ള പദത്തിന്റെ ഗുനോതരം ഒന്ന് അല്ലാത്ത സമവാക്യങ്ങള്‍ നല്കാന്‍ ശ്രമിച്ചാല്‍ നന്നായിരിക്കും

    3)വൃത്തങ്ങള്‍ ഉള്പെടുതുന്ന കണക്കുകളില്‍ വ്യക്തത കൈ വരുത്തുവാന്‍ ചില ചിഹ്നങ്ങള്‍ ചേര്‍ക്കുന്നത് നല്ലത് ആയിരിക്കും.
    ഉദാഹരണം ഒരു വൃത്തത്തിലെ രണ്ടു ചാപങ്ങള്‍ ACB,BDAആണെന്ന് കരുതുക ഇവയുടെ കേന്ദ്ര കോണുകള്‍ , < <......... എന്ന് എഴുതി വേര്‍തിരിക്കുക 4)1.5m ഉയരമുള്ള ഒരാള്‍ 10m അകലെ നില്‍കുന്ന ഒരു കവുങ്ങിന്റെ ഉയരം കണ്ടെത്തുന്നതിനു എന്തൊക്കെ അളവുകള്‍ ഇനിയും വേണം എന്നാ ആശയത്തിലൂടെ ക്ലിനോമീടെര്‍ പരിചയപെടുത്തി ത്രികോണങ്ങളുടെ കോണളവുകള്‍ വ്യതസപെടുമ്പോള്‍ ആനുപാതിക വ്യത്യാസം കണ്ടെത്താനുള്ള മാര്‍ഗത്തിലേക്ക് നയിക്കണം

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s