‘സ്പാര്‍ക്കും’ കാണാച്ചരടുകളും…!

കേരളത്തിലെ സര്‍ക്കാര്‍ ജീവനക്കാരുടെ സര്‍വ്വീസ് കാര്യങ്ങള്‍ ഓണ്‍ലൈനായി കൈകാര്യം ചെയ്യാന്‍ നടപ്പിലാക്കുന്ന spark (Service and Payroll Administrative Repository of Kerala) ഏറ്റവും സ്വാഗതാര്‍ഹമായ ഒരു ചുവടുവെയ്പാണെന്നതില്‍ സംശയമേതുമില്ല. എന്നാല്‍, ഇത് ഫലപ്രദമായി ഉപയോഗിക്കാന്‍ മൈക്രോസോഫ്റ്റിന്റെ വിന്റോസും, ഇന്റര്‍നെറ്റ് എക്സ്പ്ലോററും നിര്‍ബന്ധമാണെന്ന തരത്തില്‍ നടക്കുന്ന പ്രചാരണങ്ങളാണ് സംശയങ്ങള്‍ക്ക് ഹേതു. Sparkന്റെ പരിശീലന ക്ലാസ്സുകളില്‍ വിന്റോസിനുവേണ്ടി മാത്രം തയ്യാര്‍ ചെയ്ത ഓണ്‍ലൈന്‍ പ്രോഗ്രാമാണ് ഉപയോഗിക്കുന്നത്. സ്വതന്ത്ര സോഫ്റ്റ്​വെയറിന്റെ വ്യാപനമാണ് മുഖ്യ ലക്ഷ്യമെന്ന് നാഴികക്ക് നാല്പത് വട്ടം ഉത്ഘോഷിക്കുന്ന സംസ്ഥാന മുഖ്യമന്ത്രിയുടെ നേരിട്ടുള്ള വകുപ്പായ ഐടി മിഷനാണ് ഈ പരിപാടിയുടെ മുഖ്യ പ്രായോജകര്‍. സംശയങ്ങള്‍ക്ക് ബന്ധപ്പെടാനുള്ള, ഇവരുടെ ഏതെങ്കിലും നമ്പറില്‍ വിളിച്ചുനോക്കൂ. പ്രശ്നങ്ങള്‍ക്ക് പരിഹാരമായി, വിന്റോസും, എക്സ്പ്ലോററും ഉപയോഗിക്കാനായിരിക്കും മറുപടി. നിയമാനുസൃതമല്ലാത്ത വിന്റോസ് വേര്‍ഷന്‍ എങ്ങിനെ ഉപയോഗിക്കാനാകും എന്ന് ചോദിച്ചാല്‍, അത് സ്വന്തം റിസ്കില്‍ ഉപയോഗിക്കാന്‍ ആപ്പീസുകള്‍ക്ക് അനുവാദമുണ്ടെന്നാകും മറുമൊഴി! എക്സ്പ്ലോററിന്റെ അവശേഷിക്കുന്ന സുരക്ഷകളും (?) ഒന്നൊന്നായി അഴിച്ചു കളയണമെന്നതും നിര്‍ദ്ദശങ്ങളുടെ ഭാഗമാണ്. സ്വതവേ ദുര്‍ബ്ബല,പോരെങ്കില്‍…..( ഒരു മാസത്തിനകം വൈറസുകളും ആഡ്​വെയറുകളും കയറി സിസ്ററം ക്രാഷാകുമെന്നത് മൂന്നരത്തരം!).

ഐടി@സ്കൂളിലെ മാസ്റ്റര്‍ ട്രൈനര്‍മാരുടേയും തത്പരരായ സ്കൂള്‍ കോ-ഓര്‍ഡിനേറ്റര്‍മാരുടേയും സേവനങ്ങള്‍ കൂടി ഉപയോഗപ്പെടുത്തി, സംസ്ഥാനത്തെ എല്ലാ സര്‍ക്കാര്‍ ആപ്പീസുകളിലും സ്വതന്ത്ര സോഫ്റ്റ്​വെയര്‍ ഇന്‍സ്റ്റാള്‍ ചെയ്തിരുന്നൂവെങ്കില്‍ (ഇനിയും വൈകിയിട്ടില്ല..!), അത് വിപ്ലവകരമായ ഒരു ചുവടുവെയ്പാകുമായിരുന്നില്ലേ..? അറിയുക, തൃശൂര്‍ ജില്ലയിലെ സാമൂഹിക ക്ഷേമ വകുപ്പിന്റെ 4 ആപ്പീസുകളില്‍ ഈ ലേഖകന്‍ മുന്‍കൈയ്യെടുത്ത് ഐടി സ്കൂള്‍ ഗ്നൂ/ലിനക്സ് ഇന്‍സ്റ്റാള്‍ ചെയ്യുകയും, ഇന്റര്‍നെറ്റ്, പ്രിന്റര്‍ മുതലായവ കോണ്‍ഫിഗര്‍ ചെയ്യുകയുമുണ്ടായി. ഇക്കഴിഞ്ഞ ഒന്നാം തിയ്യതി അവരുടെ കൊടുങ്ങല്ലൂര്‍ ആപ്പീസില്‍ ലിനക്സു വഴി ശമ്പള ബില്ലെടുത്ത് മാറിയതിന്റെ സന്തോഷം പങ്കിടാന്‍ ഈയുള്ളവനും ഉണ്ടായിരുന്നു.

ഇത്രയും എഴുതിയതു കൊണ്ട് ഈ ലേഖകന്‍ ഒരു വിന്റോസ് വിരുദ്ധനോ, ഫ്രീ സോഫ്റ്റ്​വെയര്‍ ‘തീവ്രവാദി’യോ ആണെന്ന് ധരിക്കല്ലേ..!വിലകൊടുത്തു വാങ്ങേണ്ട ഒരു സോഫ്റ്റ്​വെയര്‍ നിയമവിരുദ്ധമായി ഉപയോഗിക്കുന്നത് ശരിയല്ലായെന്ന് കരുതുന്നതുകൊണ്ടും, ഇനി, വില കൊടുത്തു വാങ്ങിയാല്‍ തന്നെ അതിന്നുവേണ്ടിവരുന്ന കോടികളുടെ സര്‍ക്കാര്‍ പണം ഈയുള്ളവന്റെ കൂടി നികുതിയില്‍ നിന്നായതു കൊണ്ടുമാണ് ഈ പ്രതിഷേധം. ഇപ്പോഴും മനസ്സിലാകാത്ത ഒരു കാര്യം ഉണ്ട്. എന്തേ നമ്മുടെ ഉന്നത ഉദ്യോഗസ്ഥര്‍ക്ക് ഇത്ര വലിയ വിന്റോസ് പ്രേമം? ഒരു സുഹൃത്ത് സൂചിപ്പിച്ചതു പോലെ ബില്‍ഗേറ്റ്സിന്റെ ഉപഹാരങ്ങള്‍ അനന്തപുരിയിലേക്ക് പ്രവഹിക്കുന്നുണ്ടാകുമോ? ആര്‍ക്കറിയാം,……. അല്ലേ?

പിന്‍കുറി : ജീവനക്കാര്‍ക്ക് പരിശീലനം കൊടുക്കേണ്ട ജില്ലാതല റിസോഴ്സ് ഗ്രൂപ്പിന്റെ പരിശീലന ക്ലാസ്സില്‍ ഈയുള്ളവനും പങ്കെടുത്തിരുന്നു. പരിശീലന സമയത്ത് ഇത്തരം അപ്രിയ സത്യങ്ങള്‍ വിളിച്ചുപറയുകയും, യാതൊരു കാരണവശാലും നിയമവിരുദ്ധമായി വിന്റോസ് സോഫ്റ്റ്​വെയര്‍ പരിശീലനത്തിനുപയോഗിക്കില്ലെന്നു ശഠിക്കുകയും ചെയ്തിരുന്നു. ഭാഗ്യം, ലിസ്റ്റ് വന്നപ്പോള്‍ പരിശീലകന്റെ സ്ഥാനത്തുനിന്നും ഞാന്‍ ഔട്ട്!

നിങ്ങളുടെ വിലയേറിയ അഭിപ്രായങ്ങള്‍ക്കായി കാത്തിരിക്കുന്നു. ഈ വിഷയത്തിനു മാത്രം ഇവിടുത്തെ കമന്റ് ബോക്സ് ഉപയോഗിക്കാന്‍ ശ്രദ്ധിക്കുമല്ലോ..!

About hariekd

It is a movement from kerala High school teachers.
This entry was posted in ശാസ്ത്രം, സംവാദം, സാങ്കേതികം, General. Bookmark the permalink.

80 Responses to ‘സ്പാര്‍ക്കും’ കാണാച്ചരടുകളും…!

  1. This comment has been removed by the author.

  2. ലേഖനം വളരെ നന്നായി. സ്പാർക്കിന്റെ കാര്യതിൽ മാത്രമല്ല ഏതൊരു വികസന പ്രശ്നത്തിന്റെ കാര്യത്തിലും നമ്മുടെ മേലാളന്മാരുടെ മനോഭാവം ഇതാൺ. സ്വതന്ത്ര സൊഫ്റ്റ്വെയർ എന്തു കൊണ്ടും വിന്റോസിനെ വെല്ലുന്ന നിലയിലായിട്ടു പോലും!
    സ്പാർക്കിന്റെ നടത്തിപ്പിനു നമ്മുടെ നാട്ടിലെ സ്ഥാപനങ്ങൾ ഭൗതിക സാഹചര്യങ്ങൾ നേടുക എപ്പൊഴാണെന്നു കൂടി ചർച്ച വേണ്ടിയിരിക്കുന്നു.ബൗധിക മേഖലയിലെ ഉന്നതന്മാർ താഴെ നിന്നുള്ള നിർദ്ദേശങ്ങൾ അവഗണിക്കുന്നവരുമാണു.
    ബാക്കി പത്രം:
    സത്യം അപ്രിയം ആണെങ്കിലും അത്‌ വിളിച്ചു പറയാൻ മടിക്കരുത്‌. (പ്രായോചകർ എന്നെഴുതിയത്‌ പ്രായോജകർ എന്ന് തിരുത്തിക്കൂടെ)

  3. നമ്മുടെ സ്കൂളുകളില്‍ സ്വതന്ത്രസോഫ്റ്റ്​വെയര്‍ ഉപയോഗിച്ചതിനാലുള്ള ലാഭം കോടികളാളെന്ന എക്സിക്യൂട്ടീവ് ഡയറക്ടറുടെ പ്രസ്താവന എവിടെയോ വായിച്ചതോര്‍ക്കുന്നു. പിന്നെയെന്താ, ഈ കൊള്ളയ്ക്ക് ഐടി@സ്കൂളും കൂട്ടു നില്‍ക്കുന്നത്? എന്തായാലും പ്രതിഷേധമുയരേണ്ട വിഷയം തന്നെ.
    നിസാര്‍ സാറിന്റെ ഓര്‍മ്മപ്പെടുത്തലുകള്‍ നല്ല കാര്യം തന്നെ.

  4. @ ജനാര്‍ദ്ദനന്‍ സാര്‍,
    തെറ്റു ചൂണ്ടിക്കാട്ടിയതിനു നന്ദി.
    ഇതാ തിരുത്തുന്നു.
    @ ഗീത ടീച്ചര്‍,
    ഈ വിഷയം ബഹു. എക്സിക്യൂട്ടീവ് ഡയറക്ടറുടെ ശ്രദ്ധയില്‍ പെടുത്തുന്നുണ്ട്.

  5. This comment has been removed by a blog administrator.

  6. JOHN P A says:


    എന്റെ കന്വ്യൂട്ടര്‍ പരിജ്ജാനം ലിനക്ലില്‍ മാത്രമാണ്.സ്ക്കളില്‍ ലിനക്സ് പഠനം ഉറപ്പാക്കിയ കാലത്താണ് S I T C ആയതും കന്വ്യട്ടര്‍ പഠിപ്പിക്കാന്‍ തുടങ്ങിയതും.കുട്ടികളും അങ്ങനെ തന്നെ ആയിരിക്കാനാണു സാധ്യത.ഒരു സംശയം ബാക്കി.ഹയര്‍സെക്കന്റെറിയിലും കുട്ടികള്‍ ലിനക്സ് പഠനം തുടരുന്നുണ്ടോ?നിസ്സാര്‍ സാര്‍ പറഞ്ഞതുപോലെ ഒരു സ്ഥാപനത്തില്‍ ലിനക്ലില്‍ ബില്ലെടുക്കല്‍ സാധ്യമായെങ്കില്‍ അതിന് ഔദ്ദോഗികമായി അനുവാദം നല്‍കിയാല്‍ മരിയല്ലോ?

    സ്വതന്ദ്രവും സ്വഭാവികവുമായ വളര്‍ച്ച കുട്ടികള്‍ക്കു മാത്രമല്ല മുതിര്‍ന്നവര്‍ക്കുമാകാം

  7. Babu Jacob says:

    This comment has been removed by the author.

  8. revima says:

    വിഷയം അവസരോചിതം.വിന്‍റോസിലായാലും ലിനക്സിലായാലും ഒരു പോലെ കാണുന്ന ഒരു കൂട്ടക്കാരുണ്ട്.ഞങ്ങള്‍ പ്രൈമറി അദ്ധ്യാപകര്‍.കമ്പ്യുട്ടറില്‍ കാര്യമായ പരിശീലനം ലഭിക്കാത്ത ഹതഭാഗ്യര്‍.

  9. Sreenadh says:

    ലേഖനം വളരെ നന്നായി. ഞാനും കഴിഞ്ഞ ദിവസം ഒരു സര്‍ക്കാര്‍ ആഫിസില്‍ ഗ്നു/ലിനക്സ്‌ ഇന്‍സ്റ്റോള്‍ ചെയ്തു. മലയാളം ടൈപ്പ് ചെയ്യുന്നതും, “thunderbird” ഉപയോഗിച്ച് ഇ-മെയില്‍ വായിക്കുന്നതും, അയക്കുന്നതും സിഡി റൈറ്റ് ചെയ്യുന്നതും, പ്രിന്‍റര്‍ ശരിയാക്കി പ്രിന്റു എടുക്കുന്നതും ഒക്കെ കുറച്ചു സമയം കൊണ്ട് പറഞ്ഞു കൊടുത്തു. അവിടുത്തെ ഉദ്യോഗസ്ഥര്‍ക്ക് സന്തോഷം. ഒരു കമ്പ്യൂട്ടറില്‍ കൂടി സ്വതന്ത്ര സോഫ്റ്റ്‌വെയര്‍ ഇന്‍സ്റ്റോള്‍ ചെയ്യാന്‍ സാധിച്ചതിനാല്‍ എനിക്കും സന്തോഷം.

  10. Sreenadh says:

    ഒരു കാര്യം പറയാന്‍ മറന്നു. സ്വതന്ത്രമായി ഉപയോഗിക്കാന്‍ കഴിയുന്ന ഫയര്‍ഫോക്സ്, ക്രോമിയം എന്നിവ ഉള്ളപ്പോള്‍ എന്തിനു സ്വതന്ത്രമല്ലാത്ത “Opera” ഉപയോഗിക്കണം (for RMSA data entry)?

  11. thomas says:

    നമ്മുടെ അധ്യാപക സംഘടനകളും ജനാധിപത്യവിശ്വാസികളും ഉടന്‍ ഇടപെടല്‍ നടത്തെണ്ട ഒരു വി,ഷയമാണിത്.
    ഒരു സംഭവം ഓര്‍ക്കുന്നു.3 വ‍ര്ഷ‍ം മുന്‍പാണ് സ്കൂളില്‍ ലിനക്സ് നിര്‍ബദ്ധമായിരുന്നെന്കിലും A-List ന് അടക്കമുള്ള software കഴ്‍ windows ല്‍ പ്രവര്‍ത്തിക്കുന്നതാണ് വിതരണം ചെയ്തിരുന്നത്.. എന്റെ സംഘടയില്‍ ഞാന്‍ ഈ വിഷയം അവതരിപ്പിക്കുകയും സംസ്ഥാന നേതാക്കളുടെ ശ്രദ്ധയില്‍ കോണ്ട് വരികയും ചെയ്തിട്ടുണ്ട്…sitc മാരടക്കം ആയിരക്കണക്കിന് സ്വതന്ത്ര സോഫ്റ്റ്‍വേര്‍ പ്രവര്‍തകരെ നിരാശപ്പെടുത്തുന്നതാണ് ഈ തീരുമാനം..
    തോമസ്

  12. $rêëñ@dh says:

    This comment has been removed by the author.

  13. Sreenadh says:

    @thomas സര്‍,

    “ആയിരക്കണക്കിന് സ്വതന്ത്ര സോഫ്റ്റ്‍വേര്‍ പ്രവര്‍തകരെ നിരാശപ്പെടുത്തുന്നതാണ് ഈ തീരുമാനം”

    വളരെ ശരിയാണ്.

  14. Vijayan Kadavath says:

    വളരെ കാര്യമാത്രപ്രസക്തമായ ഒരു വിഷയമാണ് രണ്ട് ലക്ഷത്തിന്റെ നിറവില്‍ മാത്​സ് ബ്ലോഗിലൂടെ ഇന്നിവിടെ ചര്‍ച്ചചെയ്യപ്പെടുന്നത്. സമ്പൂര്‍ണമായും ലിനക്സിലേക്കു കുടിയേറിയെന്ന് ഐ.ടി@സ്ക്കൂളും എക്സിക്യുട്ടീവ് ഡയറക്ടറുമൊക്കെ ഉദ്ഘോഷിക്കുമ്പോള്‍ സ്പാര്‍ക്ക് ഡാറ്റാ എന്‍ട്രിക്കും SSLC ഡാറ്റാ അപ്ലോഡിങ്ങിനും ഇന്‍റര്‍നെറ്റ് എക്സ്പ്ലോറര്‍ ഉപയോഗിക്കാന്‍ പറയുന്നത് ശുദ്ധ വങ്കത്തമല്ലേ? ഒരേ ഒരു ചോദ്യമേ എനിക്കു ചോദിക്കാനുള്ളു. സ്വന്തം സ്ക്കൂളില്‍ പൈറേറ്റഡ് വിന്‍ഡോസ് ലോഡ് ചെയ്ത് ‘സ്വതന്ത്രമായി ‘നെറ്റ് ഉപയോഗിക്കുമ്പോള്‍, ബില്‍ഗേറ്റ്സിന്റെ ആളുകള്‍ കയറിപ്പിടിച്ചാല്‍ അതിന്റെ ഉത്തരവാദിത്വം ആര് ഏറ്റെടുക്കും? ഞങ്ങള് ലിനക്സിന്റെ ആളുകളാണെന്ന് പറഞ്ഞ് ഐ.ടി@സ്ക്കൂള്‍ കൈകഴുകും. ആ സമയം ഇന്‍റര്‍നെറ്റ് എക്സ്പ്ലോറര്‍ ഉപയോഗിക്കാന്‍ പറഞ്ഞ ഒരു മഹാനുമുണ്ടാവില്ല രംഗത്ത്. തൂങ്ങുന്നത് ഏഡ്മാഷും എസ്.ഐ.ടി.സിയും മാത്രം.
    ഓപ്പറ ബ്രൗസര്‍ സ്വതന്ത്രമല്ല എന്ന പുത്തനറിവ് തന്നതിന് ശ്രീനാഥിന് നന്ദി. ഈ രീതിയില്‍, മനസില്‍ കെട്ടിക്കിടക്കുന്ന വികാരവിചാരങ്ങള്‍ സഹജീവികള്‍ക്കു മുന്നില്‍ തുറന്നു പറയാന്‍ ഒരു അവസരമുണ്ടാക്കിത്തന്നത് പ്രിയപ്പെട്ട മാത്​സ് ബ്ലോഗുകാര്‍ക്കും അഭിവാദനങ്ങള്‍.

  15. noman says:

    പോസ്റ്റ്‌ വളരെ നന്നായി.
    SPARK ട്രെയിനിംഗ് തകൃതിയായി നടക്കുകയും അടുത്ത സാമ്പത്തികവര്‍ഷത്തില്‍ പൂര്‍ണമായും SPARK ഉപയോഗിക്കും എന്ന് പറയുകയും ചെയ്യുന്ന സ്ഥിതിക്ക് ഫലപ്രദമായ പ്രതിഷേധങ്ങളെ കുറിച്ച് ആലോചിക്കേണ്ടിയിരിക്കുന്നു….

  16. സ്പാര്‍ക്ക് എന്ന സംഗതിയുടെ മാത്രം പ്രശ്നമല്ല ഇവിടെ ചൂണ്ടിക്കാട്ടിയിരിക്കുന്നത്. കേരള സര്‍ക്കാരിന്റെ എല്ല വെബ് സൈറ്റുകളും എല്ലാ സര്‍വീസുകളും മൈക്രോസോഫ്റ്റ് വിന്‍ഡോസ് ബേസ്ഡ് ആയാണ് നിര്‍മ്മിക്കപ്പെട്ടിരിക്കുന്നത്. വിഷ്വല്‍ ബേസിക്കും ഡോട്ട് നെറ്റും അടിസ്ഥാനമാക്കിയാണ് സിഡിറ്റ് എല്ലാ സോഫ്റ്റ് വെയറുകളും നിര്‍മ്മിക്കുന്നത്. അതിനാല്‍ തന്നെ അവരുടെ എല്ലാ ഓണ്‍ലൈന്‍ പേജസും ഇന്റര്‍നെറ്റ് എക്സ്പോററിലാവും നല്ല പെര്‍ഫോമന്‍സ് നല്‍കുക.

    സര്‍ക്കാര്‍ പോളിസികളില്‍ മാറ്റം വരികയും മാറ്റം വരുന്ന പോളിസികള്‍ പ്രായോഗിക തലത്തില്‍ നടപ്പില്‍ വരുത്താനുള്ള ആര്‍ജ്ജവം ഉണ്ടാവുകയും ചെയ്താലെ ഇതിനൊക്കെ മാറ്റം വരികയുള്ളൂ. താരതമ്യേന്‍ കുറഞ്ഞ ഐ.ടി പരിജ്ഞാനമുള്ള ജനപ്രതിനിധികളൂം, മൈക്രോസോഫ്റ്റ് ഉത്പന്നങ്ങള്‍ മാത്രം കണ്ടു പഠിച്ചിട്ടുള്ള ഐ.എ.എസുകാരും നിലനില്‍ക്കുന്നിടത്തോളം ഈ സ്ഥിതിക്ക് മാറ്റം വരാന്‍ പോകുന്നുമില്ല.

    ഇനി സ്പാര്‍ക്കിലേക്ക് വരാം. ഇന്റര്‍നെറ്റ് എക്സ്പ്ലോററില്‍ മാത്രമേ അത് ശരിയായി പ്രവത്തിക്കുന്നുള്ളൂ. മോസിലയില്‍ പല ടാബുകളും ഓവര്‍ലാപ്പ് ചെയ്തു വരികയും ചിലത് പ്രവത്തിക്കാതിരിക്കുകയും ചെയ്യുന്നതായി കാണുന്നുണ്ട്. ഇന്റര്‍നെറ്റ് എക്സ്പ്ലോററിന്റെ സെക്യൂരിറ്റി പണയം വക്കണ്ടി വരും എന്ന പ്രസ്ഥാവന തെറ്റാണെന്ന് സൂചിപ്പിക്കട്ടെ, “പോപ്പപ്പ്” ഓപ്ഷന്‍ തുറന്നുകൊടുക്കണം എന്നൊരു നിര്‍ബന്ധം മാത്രമേ ഉള്ളൂ, അതും സ്പാര്‍ക്കെന്ന് സൈറ്റിനു മാത്രമായി അലൌ ചെയ്യാന്‍ ഉള്ള സംവിധാനമുള്ളപ്പോള്‍ സിസ്റ്റം ക്രാഷാവും എന്നൊക്കെ പറയുന്നത് തെറ്റിദ്ധാരണാ ജനകമാണ്.

    എന്റെ സിസ്റ്റം ഡുവല്‍ ബൂട്ടാണ്, എക്സ്.പി യും ഫെഡോറ 11ഉം . ഫെഡോറ ഉപയോഗിച്ച് എന്റെ ഓഫീസിലെ ബില്ല്, അരിയര്‍ അടക്കം തയ്യാര്‍ ചെയ്ത് സിഡിയിലാക്കി, നിര്‍ഭാഗ്യവശാല്‍ എന്റെ പ്രിന്ററിന് പറ്റിയ ഡ്രൈവര്‍ ഫെഡോറക്കില്ല. അതിനാല്‍ പ്രിന്റ് എടുക്കാന്‍ വിന്‍ഡോസിലേക്ക് തന്നെ മടങ്ങി.

    ഐ.ടി മിഷന്‍ ഐ.കെ.എം തുടങ്ങിയ എടപാടുകള്‍ എടുത്ത് കളഞ്ഞ് സര്‍ക്കാരിന് അതിനോട് അറ്റാച്ച് ഐ.ടി ഡിപ്പാര്‍മെന്റ് ഉടന്‍ ഉണ്ടാവേണ്ടതാണ്.

  17. sanal says:

    ഞാനൊന്നുമറിഞ്ഞില്ലേ രാമനാരായണ എന്ന മട്ടില്‍ പരിശീലകര്‍ കൈകഴുകുന്നു. ഐടി@സ്കൂളിന് ഇതുമായി യാതൊരു ബന്ധവുമില്ല എന്ന മട്ട്. ഇവിടെ മാസ്റ്റര്‍ ട്രെയിനര്‍മാരും അദ്ധ്യാപകരും നിസ്സഹായരായി നില്‍ക്കേണ്ടി വരുന്ന അവസ്ഥ. പറിശീലനത്തിനു വന്ന ഭൂരിഭാഗം അദ്ധ്യാപകര്‍ക്കും ഏതായാലും ( വിന്‍ഡോസാണ് സൌകര്യം.. കള്ളനെങ്കില്‍ കള്ളന്‍ എന്ന മട്ട് )കുഴപ്പമില്ല എന്ന നിലപാടായിരുന്നു. സിസാര്‍ സാറും ഞാനും എതിര്‍പ്പു പ്രകടിപ്പിച്ചപ്പോള്‍ അതെന്തിനാണെന്നു പോലും പലര്‍ക്കും മനസ്സിലായെന്നു തോന്നുന്നില്ല. സ്വതന്ത്രസോഫ്റ്റ്​വെയറുകള്‍ക്കു പിന്നിലുള്ള ആദര്‍ശങ്ങള്‍ കുട്ടികളും അദ്ധ്യാപകരും മനസ്സിലാക്കരുതെന്ന് ഐടി@സ്കൂളിന്റെ നടത്തിപ്പുകാര്‍ക്ക് നിര്‍ബന്ധമുണ്ടെന്ന് തോന്നുന്നു. സ്വതന്ത്രസോഫ്റ്റ്​വെയറുകള്‍ക്കു പിന്നിലുള്ള ഫിലോസഫി മറച്ചുവയ്ക്കുന്നതിലൂടെ പ്രഖ്യാപിത നയങ്ങളില്‍ വെള്ളം ചേര്‍ത്താല്‍ ആരും എതിര്‍ക്കില്ല. എല്ലാ വിനീത വിധേയന്മാരുടെയും ആര്‍പ്പുവിളികളോടെ കുത്തകസോഫ്റ്റ്​വെയര്‍ കടന്നു വരുന്നു. വേരുകളില്ലാത്ത, ഏതുനിമിഷവും അട്ടിമറിക്കപ്പെടാവുന്നതാണ് കേരളത്തില്‍ സ്വതന്ത്രസോഫ്റ്റ്​വെയറിന് അടുത്ത കാലത്തുണ്ടായ വളര്‍ച്ച എന്ന് ഈ സംഭവം നമ്മെ ഒരിക്കല്‍ കൂടി ഓര്‍മ്മിപ്പിക്കുന്നുണ്ട് . കൂടുതല്‍ ഉപയോഗിക്കപ്പെട്ടതുകൊണ്ടുമാത്രം സ്വതന്ത്രസോഫ്റ്റ്​വെയര്‍ പ്രസ്ഥാനം വളരുന്നില്ല. അടിസ്ഥാന നിലപാടുകള്‍ ആര്‍ക്കനുകൂലമാണെന്നു വ്യക്തം.

  18. Swapna John says:

    സര്‍ക്കാരിന്റേയും ഐ.ടി@സ്സ്കൂളിന്റേയും പിടിവാശി ദു:ഖകരം തന്നെ. അനില്‍ ബ്ലോഗ് ചൂണ്ടിക്കാണിച്ചത് കണ്ടോ? സര്‍ക്കാരിന്റെ എല്ലാ സൈറ്റുകളും ഇപ്പോഴും വിന്റോസ് അധിഷ്ഠിതമെന്ന്. വിഷമം തോന്നി. കുത്തകകളെ അനുവദിക്കില്ലെന്ന നാഴികയ്ക്ക് നാല്‍പ്പത് വട്ടം കൊട്ടിഘോഷിക്കുന്ന മുഖ്യമന്ത്രിയുടെ കീഴിലുള്ള ഐടി മിഷന്റെ പ്രവൃത്തികള്‍ ലജ്ജാകരം. നിസാര്‍ മാഷിനും ശ്രീനാഥ് മാഷിനും വിജയന്‍ കടവത്തിനും സനല്‍ മാഷിനും പിന്തുണ.


  19. @ബാബൂജേക്കബ് സാര്‍,
    ‘ദുഷ്ട’ന്മാരെന്നത് ബില്‍ഗേറ്റ്സിനെ സംബന്ധിച്ചിടത്തോളം വളരെ മാന്യമായ ഒരു പദമാണ്. ഏറ്റവും വലിയ കള്ളന്മാരെന്നര്‍ഥമുള്ള ‘പൈറേറ്റ്സ്’ (Pirates) എന്നാണ് നമ്മുടെ വ്യാജ വിന്റോസ് ഉപയോക്താക്കളെ (അവരാണല്ലോ 99 ശതമാനവും!) അദ്ദേഹം വിളിക്കുന്നത്. (‘ഒരു ദിനം, ഒരു ഇംഗ്ലീഷ് വാക്ക്’ പംക്തിയില്‍പ്പെടുത്തി ഈ വാക്കര്‍ഥം ഒന്നിദ്ദേഹത്തെ പഠിപ്പിക്കണേ ഹരി-നിസാര്‍ സാറന്മാരേ…!) ഹാര്‍ഡ്​വെയറിന്റെ മൂന്നിരട്ടിയെങ്കിലും മിനിമം ചെലവഴിച്ചാലേ, ഈ ലേബല്‍ മാറ്റാന്‍ പറ്റൂ എന്നറിയാമോ? ആ ചെലവിന്റെ കാര്യമാകണം ലേഖകന്‍ ഉദ്ദേശിച്ചത്.
    @ അനില്‍ ബ്ലോഗ്,
    വ്യാജ വിന്റോസ് ഉപയോഗിച്ച് സിസ്റ്റം ക്രാഷാകാതെ ഒരു മാസം പിടിച്ചു നിന്നാല്‍ ഭാഗ്യമെന്നു ഞാന്‍ അനുഭവത്തിന്റെ വെളിച്ചത്തില്‍ കൂട്ടിച്ചേര്‍ക്കുന്നു.

  20. Sreenadh says:

    @ഗീത ടീച്ചര്‍,
    എന്തിനാ ടീച്ചറെ വ്യാജന്‍ ഒറിജിനല്‍ വാങ്ങിയാലും ഇതൊക്കെ തന്നെ സ്ഥിതി. രണ്ടു മാസം ഉപയോഗിക്കണേല്‍ ഒരു (ഒന്ന് മതിയോ!!!) ആന്റി വൈറസ്‌ മരുന്ന് കൂടി കൊടുക്കേണ്ടി വരും.

  21. ബി.എസ്.എന്‍ .എല്‍. എല്‍.ഐ.സി തുടങ്ങിയ സ്ഥാപനങ്ങള്‍ സ്വതന്ത്ര സോഫ്റ്റ്വെയറിലേക്ക് മാറിയപ്പോള്‍ അവര്‍ക്ക് ഓരോ വര്‍ഷവും കോടികളുടെ ലാഭമുണ്ടായതായി ഏതോ പത്രത്തില്‍ വായിച്ചത് ഓര്‍ക്കുകയാണ്. അല്പം വൈകിയാലും ഗവണ്മെന്റ് ശരിയായ തീരുമാനം എടുക്കുമെന്ന് പ്രത്യാശിക്കാം

  22. Sreenadh says:

    കോടികളുടെ ലാഭത്തെക്കാള്‍ എത്രയോ വലുതാണ്‌ സ്വതന്ത്ര സോഫ്റ്റ്‌വെയര്‍ നല്‍കുന്ന സ്വാതന്ത്ര്യം.

    -ബന്ധുര കാഞ്ചന കൂട്ടിലാണെങ്കിലും ബന്ധനം ബന്ധനം തന്നെ പാരില്‍

  23. Sasi says:

    സുരക്ഷാ ഭീഷണി ഉള്ളതിനാല്‍ ഇന്റര്‍നെറ്റ് എക്സ്‌പ്ലോറര്‍ ഉപയോഗിക്കരുതു് എന്നു് ചില യൂറോപ്യന്‍ രാഷ്ട്രങ്ങള്‍ (ഉദാഹരണത്തിനു് ജര്‍മ്മനി, ഫ്രാന്‍സ്) ജനങ്ങളോടു് പറയുന്ന കാലത്തു് അതുപയോഗിച്ചു് മാത്രം കാണാനോ ഉപയോഗിക്കാനോ കഴിയുന്ന വെബ് സൈറ്റുകളും ആപ്ലിക്കേഷനുകളും ഉണ്ടാക്കാന്‍ സ്വതന്ത്ര സോഫ്‌റ്റ്‌വെയര്‍ പ്രോത്സാഹിപ്പിക്കുമെന്നു് ആണയിട്ടിരിക്കുന്ന നമ്മുടെ സര്‍ക്കാരിന്റെ ചില വകുപ്പുകള്‍ കാട്ടുന്ന താല്പര്യം എവിടെ നിന്നു് വന്നതാണു് എന്നു് തീരെ മനസിലാകുന്നില്ല. തല്ലണ്ടമ്മാവാ, ഞാന്‍ നന്നാവൂല്ല എന്നല്ലേ അവര്‍ വിളിച്ചുകൂവുന്നതു്?

  24. Shamsudeen says:

    ലിനക്സ് എന്നത് ഒരു സംസ്കാരമാണ്. ആവ​ണം. എങ്കിലേ അതിന് കേരളത്തില്‍ നിലനില്പുള്ളൂ..വൈറസ് എന്ന് പറഞ്ഞാണ് വിന്‍ഡോസിനെ പലരും പേടിപ്പിക്കുന്നത്. ഇടക്ക് ഏതെങ്കിലും അപ്ലിക്കേഷന്റെ സപ്പോര്‍ട്ട് ലിനക്സില്‍ ലഭിക്കാതെ വരുമ്പോള്‍ വീണ്ടും വിന്‍ഡോസിലേക്ക് പോകാനുള്ള ശ്രമം..മൈക്രോസോഫ്റ്റ് ആഗ്രഹിക്കുന്നതും അത് തന്നെയാണ്. ഇന്ന് പുറത്തിറങ്ങുന്ന പല ഹാര്‍ഡ് വെയറുകളും മൈക്രോസോഫ്റ്റിന് പങ്കാളിത്തമുള്ള കുത്തകകള്‍ ഡെവലപ് ചെയ്യുന്നതാണ്. ഇത് മനസ്സിലാക്കാന്‍ ഒരു ലാപ് ടോപ് വാങ്ങിയാല്‍ മതി. വാങ്ങുമ്പോള്‍ OS (vista) അടക്കം നാം വില കൊടുക്കണം. വില കൊടുത്തോ ഇല്ലയോ എന്നതല്ല പ്രശ്നം ..നമ്മുടെ നിലപാടുകളാണ്..അത് എപ്പോഴും മാറ്റാന്‍ തയ്യാറാകുന്ന ഒരു സമൂഹത്തില്‍ free software എന്നത് ഒരു പോരാട്ടമാണ്. കേരളം എത്ര പിന്നോട്ട് വലിച്ചാലും അതിന്റെ വളര്‍ച്ചക്ക് യാതൊന്നും സംഭവിക്കില്ല. നഷ്ടം നമുക്ക് മാത്രം…

  25. Babu Jacob says:

    This comment has been removed by the author.

  26. ഗീത റ്റീച്ചറെ,
    ഞാന്‍ എത്രയോ കാലമായി എക്സ്പ്ലോറര്‍ ഉപയോഗിക്കുന്നു, മോസിലയും ഉപയോഗിക്കുന്നു. സ്പാര്‍ക്കിന്റെ സൈറ്റില്‍ രണ്ട് മാസമായി കയറി ഇറങ്ങുന്നു, ഇതു വരെ എന്റെ സിസ്റ്റത്തിന് ഒന്നും സംഭവിച്ചിട്ടില്ല.

    സ്വതന്ത്ര സോഫ്റ്റ്വെയറുകള്‍ വ്യാപകമാവണമെങ്കില്‍ സര്‍ക്കാര്‍ തന്നെ അതിനുള്ള മുന്‍ കൈ എടുക്കണം, ഐ.ടി മിഷന്റെ ഇരട്ടത്താപ്പാണ് ഈ കാര്യത്തില്‍ വിമര്‍ശിക്കപ്പെടേണ്ടത്.

  27. Shamsudeen says:

    @ babu jacob :മനുഷ്യര്‍ ഏറ്റവും കൂടുതല്‍ പേടിക്കുന്നതും എതിര്‍ക്കുന്നതും അവനവന് അറിയാത്ത കാര്യത്തെയാണ് ബാബുസാറേ.. Google വരെ linux ലേക്ക് വരുകയാണ്. ക്രോം OS നെക്കുറിച്ച് കേട്ടിട്ടില്ലേ ? ഗൂഗിള്‍ പ്രോഗ്രാമേഴ്സ് എന്തിനാ​ണ് ശൈശവാവസ്ഥയിലുള്ള linux ന്റെ കേര്‍ണല്‍ ഉപയോഗിക്കുന്നത് ?.. Windows xp തയ്യാറാക്കിയത് Unix programmers ആണെന്നറിയുമോ ? മൈക്രോസോഫ്റ്റ് അടക്കം server സിസ്റ്റങ്ങളില്‍ ലിനക്സ് ഉപയോഗിക്കുന്നുവെന്നതും ബാബുസാര്‍ മനസ്സിലാക്കണം.

  28. Babu Jacob says:

    This comment has been removed by the author.

  29. Babu Jacob says:

    This comment has been removed by the author.

  30. ‘കടല്‍ക്കൊള്ളക്കാരാ’ണ് ഇന്ന് അറിയപ്പെടുന്നതില്‍ വെച്ചേറ്റവും വലിയ കള്ളന്മാരെന്ന് ബാബുസാറിന് അറിയാമോ?
    Piratesന് ഇങ്ങനെ ഒരര്‍ഥം ബാബുസാര്‍ കേട്ടിട്ടില്ലേ?

    “ചില അവസരങ്ങളില്‍ വിഷം ഔഷധമായി ഉപയോഗിക്കേണ്ടി വരും.

    ചില അവസരങ്ങളില്‍ ശത്രുവിന്റെ സഹായം തേടേണ്ടിവരും .

    ചില അവസരങ്ങളില്‍ സ്പാര്‍ക്ക് windows ലൂടെ നടപ്പാക്കെണ്ടിയും വരും.”
    ആ അവസരം ഏതൊക്കെയെന്നു കൂടി പറയാമായിരുന്നു…

  31. Babu Jacob says:

    This comment has been removed by the author.

  32. thomas says:

    പഠനാവശ്യത്തിനായ് sitc മാര്‍ windows 7 വാങ്ങുന്നതില്‍ തെറ്റില്ല. എന്നാല്‍ ഒരു ജനസമൂഹത്തിന്റ തന്നെ സ്വയം വളരാനുള്ള ഇച്ചാശക്തിയെ തടയിടുകയാണിവിടെ..ഒരു ചെറിയ സുഖത്തിനായ് നാം പണം കൊടുത്ത് വാങ്ങുന്ന അടിമത്തം നമ്മളെ ദീര്‍ഘകാല അടിമത്തത്തിലേക്കാണ് നയിക്കുക..
    തോമസ്

  33. Sreenadh says:

    @Babu sir

    “വൈറസുകളും ആഡ്​വെയറുകളും ലിനക്സ്‌ നെ ബാധിക്കാത്തത്‌ ലിനക്സ്‌ ന്റെ മെച്ചം കൊണ്ടൊന്നും അല്ല. ഈ പ്രോഗ്രാമുകള്‍ തയ്യാരാക്കുന്നവര്‍ക്ക് , ശൈശവ അവസ്ഥയിലുള്ള ലിനക്സ്‌ ഒരു എതിരാളി അല്ലാത്തത് കൊണ്ടാണ്.”

    സ്വതന്ത്ര സോഫ്റ്റ്‌വെയര്‍ ഇപ്പോഴും ശൈശവത്തില്‍ തന്നെയാണെന്ന് ആര് പറഞ്ഞു? ഇപ്പോഴും എപ്പോഴും അത് യൌവ്വനത്തില്‍ ആയിരിക്കും.

    http://www.gnu.org/gnu/gnu-history.html

    സ്വതന്ത്ര “operating” സിസ്റ്റത്തെ (ഗ്നു/ലിനക്സ്‌) വൈറസുകളും ആഡ്​വെയറുകളും ബാധിക്കാത്തതിനു കാരണം ശൈശവത്തില്‍ തന്നെ അവ നശിച്ചു പോകുന്നത് കൊണ്ടാണ്. കാരണം സുതാര്യമായ സ്വതന്ത്ര സോഫ്ത്വരുകളിലെ കുഴപ്പങ്ങള്‍ മണിക്കൂറുകള്‍ക്കുള്ളില്‍ പരിഹരിക്കപെട്ടിരിക്കും. അതായതു അമേരിക്കയിലോ ഓസ്ട്രേലിയിലോ ജനിച്ച വൈറസ്‌ കേരളത്തില്‍ എതുന്നതുനു മുന്‍പ് നശിപ്പിക്കപെട്ടിരിക്കും. അതായതു അതിനെ ചെറുക്കാനുള്ള patch ഇറങ്ങിയിരിക്കും. അങ്ങനെയുള്ളപ്പോള്‍ വൈറസ്‌ ഉണ്ടാക്കുന്നവര്‍ തങ്ങളുടെ വൈറസിന് ഏറ്റവും വളക്കൂറുള്ള മണ്ണിലെ കൃഷി ഇറക്കൂ.

  34. santhwanam says:

    ‍‍‍‍‍‍‍ഞാനും ഏഴുമാസമായി spark ല്‍ ബില്ലു തയ്യാറാക്കുന്നു.വിന്‍ഡോസും ലിനക്സും ഉപയോഗിച്ചു ചെയ്തിട്ടുണ്ട്.print എടുക്കാന്‍ windowsലേക്ക് മടങ്ങേണ്ടി വരുന്നു എന്ന പ്രശ്നമുണ്ട്.എന്തിന് spark മാത്രം?sslc data entry ക്ക്വേണ്ടി ഒരുക്കിയ soft ware എന്താ മോശമാണോ? ഇതൊക്കെ ആരോടു പറയാന്‍?

  35. ഈ വിവരങ്ങൾക്ക് നന്ദി.

  36. chickoo says:

    POST IS GOOD AND THINKABLE. TRY TO CHALK OUT SOME ACTION PLANS AND LET THE PROTEST AGAINST THE SAME BE MADE KNOWN TO THE CONCERNED.

  37. vincent says:

    What about http://www.testing.spark.gov.in ?
    I have attended a SPARK Training.
    And they gave this webaddress with username 282828 and password itschool.I could not log in as yet.
    What is the solution.
    How can we use this testing site ?
    VINCENT D.K.

  38. congrtulations Nisar sir,
    went through the INDIAN EXPRESS NEWS.
    COLLECT AND DISPLAY MORE AND MORE CONTROVERSIAL NEWS’s.
    Let the govt. and dept. open their eyes along with the people who are in favour of WINDOWS.

  39. prakasam says:

    സംസ്ഥാനസര്‍ക്കാരിന്റെ ചില പിടിവാശികളേയ്
    പറയുന്നതൊന്ന്, ചെയ്യുന്നതൊന്ന്. ഇനി ഭരണം മാറിയാലോ,ആര്‍ക്കറിയാം IT@SCHOOLഉം ലിനക്സും പച്ച പിടിക്കുമോ എന്ന്. വിപണിയില്‍ നിന്നും പിന്‍വാങ്ങാറായ പ്രിന്ററുകളും പ്രവര്‍ത്തനം മെച്ചമല്ലാത്ത ഉപകരണങ്ങളും കൊണ്ട് SITCമാരുടെ ഉറക്കം കെടുത്തുന്ന മേലാളന്മാരുടെ രാജ്യം നീണാള്‍ വാഴട്ടെ. പിന്നെ,ലോകത്ത് വെറും രണ്ടു ശതമാനം കമ്പ്യൂട്ടറുകളില്‍ മാത്രമേ ലിനക്സ് (അതില്‍ തന്നെവെറും 2% മാത്രം ഉബുണ്ടുവും,ഡെബിയനും) ഉള്ളൂയെന്ന യാഥാര്‍ത്ഥ്യം വിന്റോസിന്റെ വിമര്‍ശകര്‍ ഓര്‍ക്കുന്നത് നല്ലതാണ്

  40. Babu Jacob says:

    This comment has been removed by the author.

  41. ravi says:

    സര്‍ , ഈ ലോകത്തെ മുനന്നോട്ട് നയിക്കുന്നത് അത്തരം 2 ശതമാനങ്ങളാണ്. സാര്‍ അധ്യാപകനാണെങ്കില്‍ സാറുടെ സ്കൂളിലേക്ക് ഒന്നു നോക്കൂ..എത്ര പേര്‍ ‘അധ്യാപന’ത്തിന്റെ ശരിയായ സത്ത ഉള്‍ക്കൊണ്ടവരുണ്ട് ? എന്നിട്ടും സാറുടെ സ്കൂളിള്‍ റിസള്‍ട്ട് ഉണ്ടാവുന്നുണ്ടാവും.അതാണ് ലോകം ഭൂരിപക്ഷം വിന്‍ഡോസ് ഉപയോഗിക്കുന്നു എന്നതല്ല പ്രശ്നം എത്ര പേര്‍ oringinal windows ഉപയോഗിക്കുന്നുണ്ട്. പ്രത്യേകിച്ച് ഇന്ത്യയില്‍..വിന്‍ഡോസിനോടല്ല എതിര്‍പ്പ് അത് മോഷ്ടിച്ച് ഉപയോഗിച്ച് മാന്യനായി അതിനെ ന്യായീകരിക്കുന്നവരോട്, അറിവിനെ കുത്തകയാക്കുന്നവരോട്.., മനുഷ്യന്റെ സ്വാതന്ത്ര്യത്തെ , ആത്മാഭിമാനത്തെ ബില്‍ഗേറ്റ്സ് എന്ന കച്ചവടക്കാരന് മുന്നില്‍ അടിയറ വക്കുന്നതിനോട്..അവരെയാണ് എതിര്‍ക്കുന്നത്. ‘വിലകൊടുത്ത് ‘ വാങ്ങുന്ന ഒരു ഉല്പന്നം എങ്ങനെ ഉപയോഗിക്കണം എന്ന് തീരുമാനിക്കാനുള്ള അവകാശം ഉപയോക്താവിനുള്ളതാണ്. ഒരു സോപ്പ് വാങ്ങിയാല്‍ അത് ഉപയോഗിച്ച് പട്ടിയെ വരെ കുളിപ്പിക്കാം . ഒരു സോപ്പ് കമ്പനിയും അതിനെ എതിര്‍ക്കില്ല. അത് വാങ്ങുന്നവന്റെ സ്വാതന്ത്യമാണ്, അവകാശമാണ്. അതാണ് വിന്‍ഡോസ് നിഷേധിക്കുന്നത്. അത് മനുഷ്യന്റെ സ്വാതന്ത്യത്തിന്റെ നേരെയുള്ള കടന്നുകയറ്റമാണ്. വിന്‍ഡോസ് മോഷ്ടിച്ച് ഉപയോഗിക്കുന്ന ഒരാള്‍ക്ക് ഈ ബോധം ഉണ്ടാവില്ല. മാത്രമല്ല, അറിവിനെ ഇങ്ങനെ കുത്തകയാക്കാനുള്ളതാണോ ? ആദ്യം ‘ഞാന്‍ കണ്ടുപിടിച്ചതിനാല്‍ അത് വേറെയാരും ഉപയോഗിക്കരുത് എന്ന നിയമം എത്ര ബാലിശമാണ്.. ലോകത്തിലെ മറ്റ് കണ്ടുപിടുത്തങ്ങള്‍ നടത്തിയവര്‍ ഇപ്രകാരം ചിന്തിച്ചിരുന്നെങ്കില്‍ എന്താവും ലോകത്തിന്റെ പുരോഗതി ? നാം ഉപയോഗിക്കുന്ന പല ഉപകരണങ്ങളും വലിയ വില കൊടുത്ത് വിദേശത്ത് നിന്ന് വരുത്തേണ്ടി വരും..മാത്രമല്ല ഏത് തിയറമാണ് നാം സ്കൂളുകളില്‍ പഠിപ്പിക്കുക. വിന്‍ഡോസ് ഒന്നേ ഉള്ളൂ.. ലിനക്സ് എത്രയുണ്ടെന്ന് സാറൊന്ന് നോക്കു..അറിവ് വിന്‍ഡോസിന്റെ മാത്രം കുത്തകയല്ല, അത് സമൂഹത്തിന്റേത് കൂടിയാണ്.ഈ കുത്തകവല്‍ക്കരണത്തെ എതിര്‍ക്കേണ്ടത് ആത്മാഭിമാനം ഉള്ളവരുടെ ചുമതലയാണ്. ആത്മാഭിമാനം പണയം വച്ച് ജീവിക്കുന്നവരോട് ഇതൊന്നും പറഞ്ഞിട്ട് കാര്യമില്ലെന്നറിയാം.. കാരണം മോഷണത്തെ വരെ ന്യായീകരിക്കുന്നവരാണല്ലോ അവര്‍.

  42. $rêëñ@dh says:

    This comment has been removed by the author.

  43. Sreenadh says:

    ഇതൊന്നു വായിക്കൂ
    http://en.wikipedia.org/wiki/linux

    @രവി സര്‍ +1

  44. ravi says:

    @ badu sir ;,‘ചിന്തകള്‍ക്ക് കൂച്ചുവിലങ്ങില്ലാതതിനാല്‍ സ്വതന്ത്രമായി ചിന്തിച്ചു പോകുന്നു.’ ….സാര്‍ , വിന്‍ഡോസ് പറയുന്നത് ഇങ്ങനെ ചിന്തിക്കരുതെന്നാണ്. ‘ഞങ്ങള്‍ ചിന്തിക്കും. നിങ്ങള്‍ അത് വില കൊടുത്ത് വാങ്ങണം.’ സ്വതന്ത്രമായി ചിന്തിക്കാനുള്ള അവകാശം ആ ചിന്തകള്‍ ആദ്യം അവതരിപ്പിച്ചവന് മാത്രമുള്ളതാണത്രെ.. ബാബു മാഷ് ഇനി ചിന്തിക്കൂ..

  45. ആകെ പ്രശ്നം ആണല്ലോ….

    lol…

    1) “ബില്‍ഗേറ്റ്സിന്റെ ഉപഹാരങ്ങള്‍ അനന്തപുരിയിലേക്ക് പ്രവഹിക്കുന്നുണ്ടാകുമോ? ” – തോന്നിന്നില്ല.

    2) “ഇക്കഴിഞ്ഞ ഒന്നാം തിയ്യതി അവരുടെ കൊടുങ്ങല്ലൂര്‍ ആപ്പീസില്‍ ലിനക്സു വഴി ശമ്പള ബില്ലെടുത്ത് മാറിയതിന്റെ സന്തോഷം പങ്കിടാന്‍ ഈയുള്ളവനും ഉണ്ടായിരുന്നു” – Great Job !!!!! Hats off !!!!I think you can create a SOP and share with others.

    3) “സ്വതന്ത്ര സൊഫ്റ്റ്വെയർ എന്തു കൊണ്ടും വിന്റോസിനെ വെല്ലുന്ന നിലയിലായിട്ടു പോലും! ” – I don’t think so. We can’t do an apple to apple comparison between Windows and Linux. Refer the comment from Anil. (“നിര്‍ഭാഗ്യവശാല്‍ എന്റെ പ്രിന്ററിന് പറ്റിയ ഡ്രൈവര്‍ ഫെഡോറക്കില്ല.)

    Anil : Could you mail me your Printer make and model ? I will try using my connections.

    “താരതമ്യേന്‍ കുറഞ്ഞ ഐ.ടി പരിജ്ഞാനമുള്ള ജനപ്രതിനിധികളൂം, മൈക്രോസോഫ്റ്റ് ഉത്പന്നങ്ങള്‍ മാത്രം കണ്ടു പഠിച്ചിട്ടുള്ള ഐ.എ.എസുകാരും നിലനില്‍ക്കുന്നിടത്തോളം ഈ സ്ഥിതിക്ക് മാറ്റം വരാന്‍ പോകുന്നുമില്ല.” – Agree with you.

    4) “സര്‍ക്കാരിന്റെ എല്ലാ സൈറ്റുകളും ഇപ്പോഴും വിന്റോസ് അധിഷ്ഠിതമെന്ന്. വിഷമം തോന്നി.” – There are technical as well as resource challenges in this. We can’t have a change with in one or two years.

    5) “‘ദുഷ്ട’ന്മാരെന്നത് ബില്‍ഗേറ്റ്സിനെ സംബന്ധിച്ചിടത്തോളം വളരെ മാന്യമായ ഒരു പദമാണ്. ” -Poor Bill….lol…..I worked very very close with both Windows and Linux. As a company Microsoft DO have focus on profit. But, i don’t think they need to be trashed. I have met this “ദുഷ്ടന്‍” ബില്‍ ഗേറ്റ്. believe me, he is not that bad.

    6) “ഏറ്റവും വലിയ കള്ളന്മാരെന്നര്‍ഥമുള്ള ‘പൈറേറ്റ്സ്’ (Pirates) എന്നാണ് നമ്മുടെ വ്യാജ വിന്റോസ് ഉപയോക്താക്കളെ (അവരാണല്ലോ 99 ശതമാനവും!) അദ്ദേഹം വിളിക്കുന്നത്.” – I think there is misunderstanding. The word “Pirated” is used in a meaning.

    Maritime piracy is what you are talking. But what is discussed in this post is Copyright infringement. Both are different. കടല്‍ കൊള്ളക്കാര്‍ അല്ല. അവര്‍ പാവങ്ങള്‍…കടലില്‍ പോയി കഷ്ടപ്പട്ടു കൊള്ള അടിയ്ക്കുന്നു. ഈ രണ്ടാമത്തെ കൂട്ടരോ? ചുമ്മാ ഒരു കസാരയില്‍ ഇരുന്നു, പാട്ടും കേട്ടു CD/DVD copy ചെയ്തു കൊള്ള അടിയ്ക്കുന്നു.

    7) “വ്യാജ വിന്റോസ് ഉപയോഗിച്ച് സിസ്റ്റം ക്രാഷാകാതെ ഒരു മാസം പിടിച്ചു നിന്നാല്‍ ഭാഗ്യമെന്നു ഞാന്‍ അനുഭവത്തിന്റെ വെളിച്ചത്തില്‍ കൂട്ടിച്ചേര്‍ക്കുന്നു” – അനുഭവം പോര. നല്ല രീതിയില്‍ കോപ്പി എടുത്ത വിന്‍ഡോസ്‌ കുഴപ്പം ഉണ്ടാകില്ല. When you copy an original CD, the copying software or hardware will see only 0 s and 1 s. nothing else. if it is copied properly, using quality media, hardware/software – both are same.

    8) “ഇത് മനസ്സിലാക്കാന്‍ ഒരു ലാപ് ടോപ് വാങ്ങിയാല്‍ മതി. വാങ്ങുമ്പോള്‍ OS (vista) അടക്കം നാം വില കൊടുക്കണം.” – ഇതാണ് ശുദ്ധ ദുഷ്ടതരം. They should give an option to select the OS that we want.

  46. ദൈവമേ! കടൽ കടന്നെത്തിയ ഈ ലിനക്സ്‌ “ഈസ്റ്റ്‌ ഇന്ത്യാ കമ്പനി” അല്ലെന്നാരു കണ്ടു. വിയർപ്പൊഴുക്കി ജീവിക്കുന്നതാ നല്ലത്‌. ഇല്ലേ പിന്നെ “അച്ഛാ കാള
    …….” എന്നു പറയരുത്‌

  47. This comment has been removed by the author.

  48. നല്ല ലേഖനം, ഇതുപോലെ പ്രതികരിക്കണം. ലിനക്സ് പ്രായോഗിക ജീവിതത്തില്‍ വരുത്തിയില്ലെങ്കില്‍ നമ്മള്‍ കുട്ടികളെ പഠിപ്പിക്കുന്നതു കൊണ്ട് എന്ത് പ്രയോജനം.

  49. This comment has been removed by the author.

  50. Please be Coool…..

    Why Bill Gates decides to Sell OFF Microsoft?
    Letter from Banta Singh of Punjab to Mr. Bill Gates of Microsoft
    Subject: Problems with my new computer

    Dear Mr. Bill Gates,

    We have bought a computer for our home and we have found some problems, which I want to bring to your notice.

    1. There is a button ‘start’ but there is no ‘stop’ button. We request you to check this.

    2. One doubt is whether any ‘re-scooter’ is available in system? I find only ‘re-cycle’, but I own a scooter at my home.

    3. There is ‘Find’ button but it is not working properly. My wife lost the door key and we tried a lot trace the key with this ‘find’ button, but was unable to trace. Please rectify this problem.

    4. My child learnt ‘Microsoft word’ now he wants to learn ‘Microsoft sentence’, so when you will provide that?

    5. I bought computer, CPU, mouse and keyboard, but there is only one icon which shows ‘My Computer’: when you will povide the remaining items?

    6. It is surprising that windows says ‘MY Pictures’ but there is not even a single photo of mine. So when will you keep my photo in that.

    7. There is ‘MICROSOFT OFFICE’ what about ‘MICROSOFT HOME’ since I use the PC at home only.

    8. You provided ‘My Recent Documents’. When you will provide ‘My Past Documents’?

    9. You provide ‘My Network Places’. For God sake please do not provide ‘My Secret Places’. I do not want to let my wife know where I go after my office hours.

    Regards,
    Banta

  51. ഹാ..ഹാ..ഹാ….Lovely!!!
    ps: i am cool….now be super cool..

    some Unix/Linux stuffs. (just to chill, don’t think I am doing a counter attack to support Micro Soft)

    % cat “food in cans”
    cat: can’t open food in cans

    % rm God
    rm: God nonexistent

    % ar t God
    ar: God does not exist

    % ar r God
    ar: creating God

    % got a light?
    No match.

    % man: why did you get a divorce?
    man:: Too many arguments.

    $ drink bottle: cannot open
    opener: not found

    ഇനിയും ഉണ്ട്…വിര്‍ത്തികേടാ…😉 but funny.

  52. Need a little UNIX help?

    Customer: What is the command that will tell me the revision code of a program ?

    UNIX consul: Yes, that’s correct.

    Customer: No, what is it ?

    UNIX consul: Yes.

    Customer: So, which is the one ?

    UNIX consul: No. ‘which’ is used to find the program.

    Customer: Stop this. Who are you ?

    UNIX consul: Use ‘who am i’ not ‘who r yoo’. You can also ‘finger yoo’ to get information about yoo’.

    Customer: All I want to know is what finds the revision code ?

    UNIX consul: Use ‘what’.

    Customer: That’s what I am trying to find out. Isn’t that true ?

    UNIX consul: No. ‘true’ gives you 0.

    Customer: Which one ?

    UNIX consul: ‘true’ gives you 0. ‘which programname’

    Customer: Let’s get back to my problem. What program? How do I find it?

    UNIX consul: Type ‘find / -name it -print’ to find ‘it’. Type ‘what program’ to get the revision code.

    Customer: I want to find the revision code.

    UNIX consul: You can’t ‘find revisioncode’, you must use ‘what program’

    Customer: Which command will do what I need?

    UNIX consul: No. ‘which command’ will find ‘command’.

    Customer: I think I understand. Let me write that.

    UNIX consul: You can ‘write that’ only if ‘that’ is a user on your system.

    Customer: Write what?

    UNIX consul: No. ‘write that’. ‘what program’.

    Customer: Cut that out!

    UNIX consul: Yes. those are valid files for ‘cut’. Don’t forget the options.

    Customer: Do you always do this ?

    UNIX consul: ‘du’ will give you disk usage.

    Customer: HELP!

    UNIX consul: ‘help’ is only used for Source Code Control System (SCCS).

    Customer: You make me angry.

    UNIX consul: No, I don’t ‘make me’ angry but I did ‘make programname’ when I was upset once.

    Customer: I don’t want to make trouble, so no more.

    UNIX consul: No ‘more’? ‘which’ will help you find ‘more’. Every system has ‘more’.

    Customer: Nice help! I’m confused more now!

    UNIX consul: Understand that since ‘help’ is such a small program, it is better not to ‘nice help’. and ‘more now’ is not allowed but ‘at now’ is. Unless, of course, ‘now’ is a file name.

    Customer: This is almost as confusing as my PC.

    UNIX consul: I didn’t know you needed help with ‘pc’. Let me get you to the Pascal Compiler team.

  53. This comment has been removed by the author.

  54. തമാശിച്ച് തമാശിച്ച് ചര്‍ച്ച കുളമാക്കി


  55. @ചന്ദ്രശേഖരന്‍,
    സോറി, ഗൌരവത്തിനിടയില്‍ ഒരു തമാശയാകാമെന്നു കരുതി…
    പോട്ടെ,
    വിഷയത്തിലേക്ക് വരാം
    ” ലിനക്സ്‌ വിന്‍ഡോസിനെ അപേക്ഷിച്ച് വളരെ വില കൂടിയ ഒരു സോലുഷന്‍ ആണ്. (തല്ലാന്‍ വരുനതിനു മുമ്പ് – desktop/personal use അല്ല പറയുന്നത്. കുറച്ചും കൂടി വലിയ IT Infra setup ചെയ്ന്ന കാരിയം ആണ്.)”
    ഒട്ടും മനസ്സിലായില്ല! മറുപടി ശ്രീനാഥിന്‍ നിന്നും പ്രതീക്ഷിക്കട്ടെ?

  56. Babu Jacob says:

    @ ഗീതാ സുധി

    ഇന്റര്‍നെറ്റ്‌ -ലൂടെ പ്രചരിക്കുന്ന നിലവാരം കുറഞ്ഞ തമാശകള്‍ എഴുതി നല്ല ഒരു സംവാദത്തിന്റെ ഗൌരവം കളയരുതേ.

  57. ചർച്ച നന്നായി. സോഫ്ട്വെയറുകളുടെ പരിണാമത്തിൽ ഇതു തീർചയായും കടന്നുവരും. ഡോസ്, വിൻഡോസ്,ലീനക്സ്…ഇനി ഇതിനേക്കാൾ മികച്ചത് വരും. നമ്മുടെ കമ്പ്യൂട്ടറിൽ ഒരു സോഫ്റ്റ്വെയറും സൂക്ഷിക്കേണ്ട ആവശ്യമില്ലാത്ത ‘ക്ലൌഡിങ്ങ്’ വരും. നമുക്ക്കിഷ്ടമ്പോലെ ഏതു സോഫ്റ്റ്വെയറും നെറ്റിൽനിന്നും അപ്പപ്പോൾ ഉപയോഗിക്കാനാവും. ഇൻസ്റ്റാൾ ചെയ്യാതെതന്നെ.ആവശ്യത്തിന്നനുസരിച്ചുള്ളത് ആവാം. അപ്പൊൾ സ്വതന്ത്രം എന്ന പദം പോലും പുനർ നിർവചിക്കപ്പെടും.
    സമകാലിക അവസ്ഥയിൽ സർക്കാർ ലിനക്സിനെ പ്രയോജനപ്പെടുത്തണം.ധനനഷ്ടം വരുത്തരുത്. സർക്കാർസ്ഥാപനങ്ങൾക്ക് വ്യാജ വിൻഡോസ്‘ നിയമനടപടികൾ വരുത്തരുത്.
    P.S.‘ലിനക്സ് ഒരു സംസ്കാരം’ എന്ന പോയിന്റ് വളരെ നന്നായി.

  58. Sreenadh says:

    “ഒരു കാരണം ലിനക്സ്‌ വിന്‍ഡോസിനെ അപേക്ഷിച്ച് വളരെ വില കൂടിയ ഒരു സോലുഷന്‍ ആണ്. (തല്ലാന്‍ വരുനതിനു മുമ്പ് – desktop/personal use അല്ല പറയുന്നത്. കുറച്ചും കൂടി വലിയ IT Infra setup ചെയ്ന്ന കാരിയം ആണ്.) കുറച് കാലം മുമ്പ്, …..”

    ഒരു കാര്യം ഓര്‍മിപ്പിക്കട്ടെ ഗ്നു/ലിനക്സ്‌ എന്നാല്‍ “redhat ” എന്നല്ല. “redhat” കമ്പനി കാശു വാങ്ങുന്നത് അവരുടെ “OS” ഉപയോഗിക്കുന്നവര്‍ക്ക് സാങ്കേതിക സഹായം നല്‍കുന്നതിനാണ്. അല്ലാതെ അവരുടെ “OS”ഇന്റെ വിലയല്ല. അവരുടെ സേവനം ആവശ്യമില്ലെങ്കില്‍ ഈ പണം നല്‍കേണ്ടതില്ല. അല്ലെങ്കില്‍ തന്നെ “redhat” കാശ് കൊടുത്തു വാങ്ങിയവര്‍ മിക്കപ്പോഴും അവരുടെ സേവനം ഉപയോഗിക്കാറില്ല.

    എന്നാല്‍ “MS” പ്രാഥമികമായി കാശ് വാങ്ങുന്നത് അവരുടെ വിന്‍ഡോസ്‌ എന്ന ഉത്പന്നത്തിനാണ്. സാങ്കേതിക സേവനത്തിനു (ഫോണ്‍,ഇ-മെയില്‍) വളരെ വലിയ തുക നല്‍കേണ്ടി വരും. അതും പരിമിതമായ സേവനം.

    ഒന്ന് ശ്രമിക്കൂ https://support.microsoft.com/oas/default.aspx?ln=en-us&prid=3219&gprid=37013&st=1

    http://blogs.zdnet.com/microsoft/?p=242

    നമ്മള്‍ പലപ്പോഴും സേവനത്തിനു സമീപിക്കുന്നത് നമ്മുടെ അടുത്തുള്ളവരെയാണ് – കമ്പനികള്‍, വ്യക്തികള്‍, അല്ലെങ്ങില്‍ ഇതിനായി നിയോഗിച്ചിട്ടുള്ള ജോലിക്കാരെയാണ്.

    “MS”ന്റെ ഉത്പന്നങ്ങളെകുറിച്ചോ സേവനങ്ങളെക്കുറിച്ചോ എനിക്ക് വലിയ അവഗാഹമില്ല.

  59. There was a major error in one of my comments, correcting and re-posting the same:-

    “കേരള സര്‍ക്കാരിന്റെ എല്ല വെബ് സൈറ്റുകളും എല്ലാ സര്‍വീസുകളും മൈക്രോസോഫ്റ്റ് വിന്‍ഡോസ് ബേസ്ഡ് ആയാണ് നിര്‍മ്മിക്കപ്പെട്ടിരിക്കുന്നത്”

    ഒരു കാരണം ലിനക്സ്‌ വിന്‍ഡോസിനെ അപേക്ഷിച്ച് വളരെ വില കൂടിയ ഒരു സോലുഷന്‍ ആണ്. (തല്ലാന്‍ വരുനതിനു മുമ്പ് – desktop/personal use അല്ല പറയുന്നത്. കുറച്ചും കൂടി വലിയ IT Infra setup ചെയ്ന്ന കാരിയം ആണ്.) കുറച് കാലം മുമ്പ്, ഒരു Red Hat Enterprise Linux Advanced Platform സെര്‍വര്‍ സൊലൂഷന്‍ നോക്കിയപ്പോള്‍, സപ്പോര്‍ട്ട് അടക്കം, around 30% വിലകൂടുതല്‍ (than Windows solution).

    ഇത് പോലത്തെ കാരാണഗള്‍ ആയിരാക്കാം സര്കാരിനു തടസം ആകുനത്.

    ഞാന്‍ സര്‍കാരിന്റെ ആള്‍ അല്ല, വിന്‍ഡോസ്‌ ഫാന്‍ അല്ല, ലിനക്സ്‌ ഫാന്‍ അല്ല – സ്മാര്‍ട്ട്‌, നോണ്‍-കഴുത്ത് അറുപ്പന്‍, effective, scalable solutions മാത്രം വിശ്വസിക്കുന്നു

  60. Sreenadh says:

    @Captain Haddock

    Go for “CENTOS” instead of Redhat or choose Debian GNU/Linux, Ubuntu Server Edition or OpenSolaris if you feel Redhat solutions are costly.

  61. Babu Jacob says:

    This comment has been removed by the author.

  62. കേരളത്തിലെ സ്കൂളുകളില്‍ മൈക്രോസോഫ്റ്റ് വിന്‍ഡോസ് ആണോ സ്വതന്ത്ര സോഫ്റ്റ് വേറായ ഗ്നു ലിനക്സ് ആണോ ഓപ്പറേറ്റിങ്ങ് സിസ്റ്റമായി ഉപയോഗിക്കേണ്ടത് എന്ന് തീരുമാനിക്കേണ്ടത് ഒരു പ്രോഗ്രാമര്‍ക്ക് അതില്‍ എത്ര സാധ്യതകളുണ്ട് , ഒരു എന്റര്‍പ്രണര്‍ക്ക് താരതമ്യേന ഏതായിരിക്കും സാമ്പത്തികമായി ഗുണകരം എന്നെല്ലാം നോക്കിയല്ല. അവരുപയോഗിക്കുന്ന സോഫ്റ്റ് വേറിന്റെ ആദര്‍ശങ്ങളെയും സാദ്ധ്യതകളെയും കുറിച്ച് അദ്ധ്യാപകര്‍ക്ക് കുട്ടികളോട് വിശദീകരിക്കേണ്ടതുണ്ട്, ന്യായീകരിക്കേണ്ടതുണ്ട്. കുട്ടികളില്‍ ഈ ആദര്‍ശങ്ങളെക്കുറിച്ച് പ്രതിബദ്ധത വളര്‍ത്തേണ്ടതുമുണ്ട്. ഇക്കാര്യത്തിലേക്ക് ശ്രീ. റിച്ചാര്‍ഡ് സ്റ്റാള്‍മാനെക്കുറിച്ചുള്ള വിക്കിപീഡിയ പേജ് എല്ലാ അദ്ധ്യാപകരും ഒന്ന് വായിക്കേണ്ടതാണ്. തുടര്‍ച്ചയായി വിന്‍ഡോസ് മാത്രമുപയോഗിക്കുകയും അതില്‍ നിന്നുള്ള പ്രോഗ്രാമിങ് ശീലിക്കുകയും അത് ജീവിതമാര്‍ഗമായി എടുക്കുകയും ചെയ്യുന്ന ആളുകളെ സംബന്ധിച്ച് കേരളീയ സമൂഹത്തില്‍ വരുന്ന മാറ്റം അംഗീകരിക്കാന്‍ പ്രയാസമായിരിക്കും. ലിനക്സ് സപ്പോര്‍ട്ടിനെകുറിച്ചുള്ള നിറം പിടിപ്പിച്ച പോസ്റ്റുകള്‍ ഇതല്ലേ സൂചിപ്പിക്കുന്നത് ? ചര്‍ച്ച എത്ര വേഗമാണ് വഴിമാറപ്പെട്ടുപോയത് ? ആരാണ് ആടിനെ പട്ടിയാക്കുന്നത് ? –pradeep mattara

  63. ravi says:

    @ Babu jacob Sir,
    സാറുടെ പ്രതിവാദങ്ങളുടെ പൊള്ളത്തരങ്ങള്‍ ആര്‍ക്കും ചിരി വരുത്തുന്നതാണ്.ഒരു പത്രം എവിടെ വച്ചും കത്തിക്കാം .വീട്ടില്‍ എത്ര പത്രം നാം കത്തിക്കാറുണ്ട്. എന്നാല്‍ അതൊരു സമരത്തിന്റെ മേമ്പൊടിയായി, പ്രതിഷേധത്തിന്റെ അടയാളമായി കത്തിക്കാന്‍ ഉപയോഗിക്കുമ്പോഴാണ് വിവരം അറിയുന്നത്. അത് സൌജന്യമായി കിട്ടുന്ന ഏഴാം ക്ലാസ് സാമൂഹ്യ പാഠപുസ്തകമായാലും പ്രതിഷേധമാമായാല്‍ അടി കിട്ടും. ലിനക്സിന്റെ സന്ദേശം ഇതല്ല സാര്‍.. അത് അറിവിന്റെ കുത്തകവല്‍ക്കരണത്തിനെതിരാണ്. മാനവരാശിയുടെ പുരോഗമനത്തിന് , ഓരോ അറിവും share ചെയ്യേണ്ടത് അത്യാവശ്യമാണ്. അറിവിന്റെ സ്വതന്ത്രമായ sharing..ഇതാണ് ലിനക്സ് ! സ്വന്തം ഊര്‍ജ്ജവും ധൈഷണികതയും ഉപയോഗിച്ച് കണ്ടെത്തിയ അറിവിനെ യാതൊരു മടിയുമില്ലാതെ സമൂഹത്തിന് നല്‍കുക. ഇതല്ലേ സാര്‍ ഋഷിമാരും നമ്മെ പഠിപ്പിച്ചത്. പിന്നെ OS വില കൊടുത്ത് വാങ്ങുന്നത്. വില കൊടുത്ത് വാങ്ങുന്നതിന് ആരും എതിരല്ല.എന്നാല്‍ വില കൊടുക്കാതെ എന്ത് കൊണ്ടും മികച്ച ഒരു OS നമുക്ക് ലഭിക്കുമെന്നിരിക്കെ എന്തിന് OS ന് വില നല്‍കണം. വില കൊടുത്ത് OS മാത്രം മതിയോ ? മറ്റ് Applications ന് ( Ofiice, multimedia , etc) വില നല്‍കേണ്ടേ ? അപ്പോള്‍ ഒരു സിസ്റ്റത്തിന് എത്ര രൂപയാകും ? അത്രത്തോളം കാശ് കൊടുത്ത് കമ്പ്യൂട്ടര്‍ സാധാരണ ഒരു ഇന്ത്യക്കാരന്‍ ഉപയോഗിക്കുമോ ? അപ്പോള്‍ മോഷ്ടിക്കും. ഇങ്ങനെ മോഷ്ടിക്കാം എന്ന തെറ്റായ സന്ദേശം നമ്മുടെ വിദ്യാര്‍ഥികള്‍ക്ക് മനഃപൂര്‍മല്ലെങ്കിലും നല്‍കരുത് എന്ന് കരുതിയല്ലേ നമ്മുടെ സ്കൂളില്‍ ലിനക്സ് പഠിപ്പിക്കുന്നത് ? സാര്‍ SITC അല്ലേ ? 8 ്ം ക്ലാസില്‍ സ്വതന്ത്ര സോഫ്റ്റ് വെയറിനെക്കുറിച്ച് പാഠപുസ്തകത്തില്‍ സൂചിപ്പിക്കുന്നില്ലേ ? ഇത്തരം ചിന്തയുമായി സാറിന് എങ്ങനെ സ്കുളില്‍ ലിനക്സ് പഠിപ്പിക്കാന്‍ സാധിക്കും സാര്‍… പഠിപ്പിക്കാന്‍ മാത്രമല്ല , മറ്റ് ആവശ്യങ്ങള്‍ക്കും ലിനക്സ് ഉപയോഗിക്കണം സാര്‍.. എങ്കിലേ സ്കൂളുകളില്‍ ലിനക്സ് പഠിപ്പിക്കുന്നതിന്റെ സന്ദേശം കുട്ടികള്‍ക്ക് നല്‍കാന്‍ സാറിന് സാധിക്കൂ.. വില കൊടുത്താണ് സാറ് വിന്‍ഡോസ് ഉപയോഗിക്കുന്നതെന്ന് കരുതുന്നു.

  64. Babu Jacob says:

    This comment has been removed by the author.

  65. എന്റെ ബാബുസാറേ… രവിമാഷ് ഉന്നയിച്ച് കാതലായ പ്രശ്നങ്ങള്‍ക്ക് മറുപടി പറയൂ.. ഞങ്ങള്‍ കേള്‍ക്കട്ടെ, അല്ലാതെ.. പണ്ട് ചെയ്ത തെറ്റുകളെ ന്യായീകരിച്ച് സ്വന്തം അസ്തിത്വം കളയല്ലേ ? താങ്കളില്‍ നിന്ന് നല്ല ചിന്തകള്‍ പ്രതീക്ഷിക്കുന്നു.

  66. Vijayan Kadavath says:

    @ബാബു ജേക്കബ് സാറിന്,

    പ്രധാനചര്‍ച്ചയില്‍ നിന്നും വഴി മാറി താങ്കള്‍ കുറേ വഴി തെറ്റി സഞ്ചരിച്ച് കുറേ അപഥചിന്തകള്‍ വിളമ്പിയതിനാല്‍ മാത്രം അവസാന ഓഫ് ടോപ്പിക് ആകട്ടെ എന്നു വിചാരിച്ച് ഇടപെടുന്നു. താങ്കളുടെ കമന്റ് എന്നെ ചിന്തിപ്പിച്ചതിങ്ങനെ.

    “മാനവ രാശിയുടെ പുരോഗമനത്തിന് ഏതെല്ലാം അറിവുകള്‍ ഷെയര്‍ ചെയ്ത പാരമ്പര്യം ആര്‍ഷ ഭാരത സംസ്കാരത്തിന് ഉണ്ടായിരുന്നു എന്ന് കൂടി ചിന്തിക്കുന്നത് നന്നായിരിക്കും.”

    മാനവരാശിയുടെ പുരോഗതിക്കായി ഭാരതം ഒന്നും പങ്കു വെച്ചില്ലെന്നാണോ വാദം?ആറന്മുളക്കണ്ണാടിയാണോ ഭാരതസംസ്ക്കാരം? ഒരു അധ്യാപകന്‍ വിഡ്ഢിത്തം എഴുന്നുള്ളിക്കരുത്. ആയുര്‍വേദം, യോഗ, വേദഗണിതം…എന്താ മാഷേ, മെമ്മറി ക്രാഷായോ?

    “അബദ്ധത്തില്‍ വേദം കേട്ടുപോയ ക്ഷുദ്രന്റെ ചെവിയില്‍ ലോഹം ഉരുക്കി ഒഴിച്ച്ചിരുന്നത് അറിവിന്റെ പങ്കുവയ്ക്കല്‍ ആയിരുന്നോ ?”

    ക്ഷുദ്രന്‍ അല്ല, ശൂദ്രന്‍ എന്നു തിരുത്തുക. രാമായണം എഴുതിയത് ഒരു കാട്ടാളനായിരുന്നു..വേദങ്ങളും ഉപനിഷത്തുക്കളും പഞ്ചമവേദമായ മഹാഭാരതവും എഴുതിയത് സത്യവതി എന്ന മുക്കുവസ്ത്രീയുടെ പുത്രന്‍..
    (എനിക്ക് ഇത്തരം മതപരമായ ചേരിതിരിവുകളില്‍ തീരെ താല്പര്യമില്ല. ഇത് ചോദ്യത്തിന് മറുപടി മാത്രം)
    നിങ്ങള്‍ സൂചിപ്പിച്ച ഈയം ഉരുക്കിയൊഴിക്കല്‍ ഒരു ചെറുസമൂഹം അധികാരിവര്‍ഗങ്ങളുടെ സഹായത്തോടെ ഒതുക്കിവെക്കാന്‍ നടത്തിയ ശ്രമങ്ങള്‍ മാത്രം. അതിനെ ഭാരതം അതിജീവിച്ചില്ലേ? എന്താ അന്നും ഇന്നും വേദപഠനവും ചര്‍ച്ചയും നടന്നില്ലേ?

    “മനോഹര സൌധങ്ങളുടെ നിര്‍മ്മാണം പൂര്‍ത്തിയായാല്‍ ഉടനെ ശില്പ്പിയെ കൊന്നുകളഞ്ഞിരുന്ന പാരമ്പര്യം ഏത് അറിവിന്റെ പങ്കുവയ്ക്കല്‍ ആയിരുന്നു ?”

    താജ്മഹലല്ല ആര്‍ഷഭാരതസംസ്ക്കാരം. ആണെങ്കില്‍ അത് ചെയ്തത് ഭാരതസംസ്ക്കാരം പിന്തുടര്‍ന്നവരല്ലെന്നോര്‍ക്കുക.

    “ഉണ്ട് , ഒരുപാടു ഒരുപാടു ഉദാഹരണങ്ങള്‍ .”

    എണ്ണി എണ്ണിപ്പറയൂ ആ ഉദാഹരണങ്ങളിലെ ഒരു പത്തെണ്ണം.

  67. This comment has been removed by the author.

  68. Vijayan Kadavath says:

    “നമ്മള്‍ ഒരു അറിവും പങ്കു വച്ചിട്ടില്ല രവി സര്‍ .പങ്കു വയ്ക്കപ്പെട്ട അറിവുകളില്‍ ഏറെയും നൈമിഷിക സുഖങ്ങള്‍ക്കിടയില്‍ അഭിസാരികമാര്‍ തന്ത്രപൂര്‍വ്വം ചോര്‍ത്തി എടുത്തവ ആണെന്ന് മാത്രം .രവി സാര്‍ ചരിത്രം വായിച്ചിട്ടില്ലേ ?”

    ചരിത്രവായനയുമാകാം. ഏതെല്ലാം ചരിത്രമാണ് ഈ അഭിസാരികക്കഥ പറയുന്നത്?

    “എത്രയോ വിലപ്പെട്ട നാട്ടറിവുകള്‍ , ഔഷധ കൂട്ടുകള്‍ ഒക്കെ സ്വന്തം മക്കള്‍ക്ക്‌ പോലും പറഞ്ഞു കൊടുക്കാന്‍ മനസ്സ് കാണിക്കാതിരുന്ന ഒരു ജന സമൂഹം അറിവിന്റെ പങ്കു വയ്കലിനെ പറ്റി ഒരുപാടു അഭിമാനിച്ചു കളയരുതേ. എന്തിന് , ആറന്മുള കണ്ണാടിയുടെ നിര്‍മ്മാണ രഹസ്യം രവി സാറിനു അറിയുമോ?തല നഷ്ടപ്പെട്ടവന്‍ മൂക്ക് മുറിഞ്ഞവനെ കുറ്റപ്പെടുത്തരുത്”

    ചരകസംഹിത, ശുശ്രുതസംഹിത, കേരളാരാമം, മാതംഗലീല, ആത്രേയചരിതം ഇതെല്ലാം നാട്ടറിവുകളും ചികത്സയുമെല്ലാം ചര്‍ച്ചചെയ്യുന്നതല്ലേ? ഭാരതസംസ്ക്കാരം എനിക്ക് അഭിമാനിക്കാന്‍ വക നല്‍കുന്നതു തന്നെയാണ്. താങ്കള്‍ അങ്ങനെയല്ലാതായതിന് ഉത്തരവാദികള്‍, നാം ആരെയെല്ലാമാണോ ദൈവമായി കാണുന്നത് അവരുടെ കുഴപ്പം കൊണ്ടുമാത്രമാണ്. ലോകത്തിനു മുന്നില്‍ ഭാരതത്തിന്റെ വില കളയുന്നത് ‘പ്രതിഷേധിച്ചു’ ജനശ്രദ്ധ നേടാന്‍ വേണ്ടി ഇടപെടുന്നവരാണ്. അവരേ ഈ രീതിയില്‍ വികൃതമായമായ പ്രസ്താവനകള്‍ നടത്തൂ . അവന് നഷ്ടപ്പെടുക തലയോ മൂക്കോ അല്ല, വ്യക്തിത്വം തന്നെയാണ്.

    NB: ഉത്തരം നല്‍കുമ്പോള്‍ ചോദ്യത്തിന് മാത്രം ഉത്തരം നല്‍കുക. രവി സാറിന്റെ കമന്റ് വളച്ചൊടിച്ച് ഉത്തരം നല്‍കാന്‍ ശ്രമിച്ചതിന്റെ പേരില്‍ മാത്രമാണ് ഈ ഇടപെടല്‍. നിങ്ങള്‍ ലേഖനത്തിനെ സംബന്ധിക്കുന്ന ചര്‍ച്ചകള്‍ മാത്രം നടത്തുക

  69. Babu Jacob says:

    സംവാദം എന്നാ വാക്കിന്റെ അര്‍ഥം വിജയന്‍ സാറിനു പറഞ്ഞു തരേണ്ടല്ലോ?

    എല്ലാം ശരിയാണ് . ശരിയാണ് എന്ന് പറയുന്നിടത്ത് സംവാദം ഉണ്ടാകില്ല.

    ഇത് Maths ബ്ലോഗ് ആണ്.

    സംവാദത്തില്‍ പങ്കെടുക്കുന്നവര്‍ എതിരഭിപ്രായം പറഞ്ഞാല്‍ പല്ല് കടിക്കുന്നത് അസഹിഷ്ണത കൊണ്ടാണ്.

    ഞാന്‍ പറയുന്ന കാര്യങ്ങള്‍ സഭ്യമാല്ലാതെ വരുമ്പോള്‍ മോഡറേറ്റര്‍ എന്നാ നിലയില്‍ maths ബ്ലോഗ്‌ ടീം ഇടപെട്ടുകൊള്ളും .

    അതിനു താങ്കളുടെ വിലയേറിയ സമയം കളയണമെന്നില്ല.

    താങ്കളുടെ വാദങ്ങളെ ബഹുമാനത്തോടെ തന്നെ കണ്ടു കൊണ്ടു ,

    ഞാന്‍ എന്റെ വാദമുഖങ്ങള്‍ ഇവിടെ അവസാനിപ്പിക്കുന്നു.

    പേടിച്ചിട്ടല്ല.

    ആവനാഴിയില്‍ അസ്ത്രങ്ങള്‍ ഇല്ലാഞ്ഞിട്ടും അല്ല.

    സ്വന്തം അഭിപ്രായങ്ങള്‍ അല്ല എഴുതേണ്ടത് , വായനക്കാരന്റെ മനോനില അനുസരിച്ചാണ് എഴുതേണ്ടത് എന്നാ യാഥാര്‍ത്ഥ്യം തിരിച്ചറിഞ്ഞതുകൊണ്ടാണ്‌.

    .

  70. Sreenadh says:

    കൊടുക്കും‌തോറും വര്‍ദ്ധിക്കുന്ന ഒരേഒരു ധനമേയുള്ളൂ ലോകത്ത്, അത് വിദ്യാധനമാണ്. വിദ്യാധനം സര്‍വധനാല്‍ പ്രധാനം.

    Free software is a matter of the users’ freedom to run, copy, distribute, study, change and improve the software. More precisely, it means that the program’s users have the four essential freedoms:

    * The freedom to run the program, for any purpose (freedom 0).
    * The freedom to study how the program works, and change it to make it do what you wish (freedom 1). Access to the source code is a precondition for this.
    * The freedom to redistribute copies so you can help your neighbor (freedom 2).
    * The freedom to distribute copies of your modified versions to others (freedom 3). By doing this you can give the whole community a chance to benefit from your changes. Access to the source code is a precondition for this.

    http://www.gnu.org/philosophy/free-sw.html

    ഉപയോക്താവിന്റെ സ്വാതന്ത്ര്യത്തിനു പ്രഥമ പരിഗണ നല്‍കുന്ന സ്വതന്ത്ര സോഫ്റ്റ്‌വെയര്‍ ആശയത്തെ നഖശികാന്തം എതിര്‍ക്കുന്നത് എന്തിനാണെന്ന് മനസിലാകുന്നില്ല.

  71. Babu Jacob says:

    This comment has been removed by the author.

  72. Babu Jacob says:

    This comment has been removed by the author.

  73. Shamsudeen says:

    ഛായ് ! എന്താ ബാബുസാറേ ഇത് ? താങ്കള്‍ ഒരു പോരാളിയാണെന്നാണ് ഞങ്ങള്‍ വിചാരിച്ചിരുന്നത്.സ്വന്തം അഭിപ്രായങ്ങള്‍ തെറ്റാണെന്ന് മനസ്സിലാവുമ്പോള്‍ അത് പിന്‍വലിക്കാനുള്ള തന്റേടം സാര്‍ കാണിച്ചു. പക്ഷേ ..ഇത് വരെ cooment ചെയ്തത് delete ചെയ്തത് ശരിയായില്ല. പുതിയ ഒരു വിസിറ്റര്‍ എന്ത് ചെയ്യും ? അന്തം വിടില്ലേ ? അങ്ങനെയെങ്കില്‍ സാറിന് മറുപടി പറഞ്ഞവര്‍ വിഢ്ഢികളാവില്ലേ ? ഇങ്ങനെ എല്ലാവരും ചെയ്താല്‍ blog എന്ന concept തന്നെ അവതാളത്തിലാവും. ഇനിയും ചര്‍ച്ചയില്‍ പങ്കെടുക്കണം. വാദത്തിന് വേണ്ടി വാദങ്ങള്‍ നിരത്താതെ കാര്യങ്ങള്‍ ശരിക്ക് പഠിച്ച് ചര്‍ച്ചയെ സജീവമാക്കണം. പിണങ്ങരുത് ! ഓരോ സംവാദങ്ങളും വായനക്കാര്‍ക്ക് അനേകം അറിവുകള്‍ കൈമാറുന്നുണ്ട്. തെറ്റും ശരിയും അവര്‍ തീരുമാനിക്കട്ടെ !

  74. ഈ വിഷയത്തില്‍ കമന്റ് ചെയ്ത എല്ലാവര്‍ക്കും നന്ദി രേഖപ്പെടുത്തട്ടെ.
    ഒരു വിഷയം ചര്‍ച്ച ചെയ്യപ്പെടുമ്പോള്‍ അതിന് രണ്ടോ അതിലധികമോ വീക്ഷണകോണുകള്‍ ഉണ്ടാകും. ഓരോരുത്തര്‍ക്കും സ്വന്തം അഭിപ്രായം പ്രകടിപ്പിക്കാനുള്ള അധികാരവും അവസരവും ഈ ബ്ലോഗ് നല്‍കുന്നുണ്ട്. ഞങ്ങളുടെ അഭിപ്രായത്തില്‍, ബാബു ജേക്കബ് സാര്‍ സ്വന്തം അഭിപ്രായം വെട്ടിത്തുറന്നു പറയാന്‍ മടിക്കാത്തയാളാണ്. ബാബു സാര്‍ പറഞ്ഞപോലെ ഏതെങ്കിലും തരത്തിലുള്ള പ്രശ്നബാധിതഘട്ടങ്ങളില്‍ ഞങ്ങളിടപെടും. ഇതുവരെ അദ്ദേഹത്തിന്റെ ഒരു കമന്റും മാത്​സ് ബ്ലോഗിനോ വിദ്യാഭ്യാസസമ്പ്രദായത്തിനോ എതിരാണെന്ന് ഞങ്ങള്‍ക്ക് തോന്നിയിട്ടില്ല. ഈ ബ്ലോഗില്‍ കമന്റ് ചെയ്യുന്ന മറ്റുള്ളവരും എന്തെങ്കിലും പറഞ്ഞിട്ടുപോകാം എന്ന ഉദ്ദേശത്തോടെ വരുന്നവരല്ല. അതുകൊണ്ട് തന്നെ അവരുടെയെല്ലാവരുടേയും സ്നേഹസഹായസാന്നിദ്ധ്യങ്ങള്‍ ഇനിയും ഞങ്ങള്‍ക്കാവശ്യമുണ്ട്. കൂട്ടായ്മയല്ലേ, നമ്മള്‍ അധ്യാപകരുടെ ബലം.

    ബാബു ജേക്കബ് സാര്‍ കമന്റുകള്‍ ഡിലീറ്റ് ചെയ്തതില്‍ ഞങ്ങള്‍ക്ക് അതിയായ ഖേദമുണ്ട്. കമന്റുകളെല്ലാം ജാഗ്രതയോടെ വായിക്കുന്ന നമ്മുടെ സുഹൃത്തുക്കള്‍ക്ക് ഈ ഡിലീറ്റഡ് കമന്റ്സ് വായനാസുഖം നഷ്ടപ്പെടുത്തുമെന്നതില്‍ സംശയമില്ല. തുടര്‍ന്നുള്ള ചര്‍ച്ചകളിലും ഇതുപോലെ സ്വാഭിപ്രായം വെട്ടിത്തുറന്നു പറയാന്‍ മടിക്കേണ്ടതില്ലെന്ന് പ്രത്യേകം പറയേണ്ടല്ലോ?

  75. sunil says:

    Anybody know in which OS hotmail mail server is running?

  76. This comment has been removed by the author.

  77. This comment has been removed by the author.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s