ബീജഗണിതത്തിന്റെ പിതാവാരാണ്?

ഗണിതശാസ്ത്രത്തിന്റെ പിതാവ് ‘റെനെ ഡെക്കാര്‍ത്തെ’, ജ്യാമിതിയുടെ പിതാവ് ‘യൂക്ളിഡ്’, എന്നാല്‍ ബീജഗണിതത്തിന്റെ പിതാവാരാണ്?
എട്ടാം ക്ലാസ്സിലെ ഈ ടേമിലെ അവസാന അദ്ധ്യായം ‘ബീജഗണിതം'(‘Algebra’) ആണല്ലോ? ഇത്തരുണത്തില്‍ ‘ബീജഗണിതത്തിന്റെ പിതാവെ’ന്നറിയപ്പെടുന്ന (The Father of Algebra) അല്‍-ഖവാരിസ്മി എന്ന അറബിഗണിതശാസ്ത്രജ്ഞനെക്കുറിച്ചാകട്ടെ ഒരല്പം വിവരങ്ങള്‍….

‘അബു ജാഫര്‍ മുഹമ്മദ് ഇബ്​നു മൂസാ അല്‍-ഖവാരിസ്മി’ (Aboo Jaffar Muhammed Ibn Moosa Al-Khavarizmi )ബാഗ്ദാദില്‍ ഒന്‍പതാം നൂറ്റാണ്ടിന്റെ തുടക്കത്തില്‍ ജീവിച്ചിരുന്ന ഗണിതശാസ്ത്ര പ്രതിഭയായിരുന്നു.ഇദ്ദേഹത്തിന്റെ ജനനം AD 786 ലാണെന്നാണ് കരുതപ്പെടുന്നത്. അല്‍ഗോരിതം എന്ന വാക്കുണ്ടായതുതന്നെ അദ്ദേഹത്തിന്റെ പേരില്‍ നിന്നാണ്.

അബ്ബാസിയ്യ ഖലീഫമാരുടെ ആ കാലഘട്ടം അറബിക് ശാസ്ത്രത്തിന്റേയും ഗണിതശാസ്ത്രത്തിന്റേയും സുവര്‍ണ്ണകാലമായിട്ടാണ് അറിയപ്പെടുന്നത്. തന്റെ പിതാവായ ഹാറൂണ്‍ അല്‍ റഷീദിന്റെ പാത പീന്‍തുടര്‍ന്ന് ഖലീഫ അല്‍-മാമൂന്‍ (AD 813-AD 833),ബാഗ്ദാദിലെ പണ്ഠിതസദസ്സിനെ (House of Wisdom) ഇന്തോ-ഗ്രീക്ക് പുരാതന ഗണിത ചിന്തകളുടെ ചര്‍ച്ചാവേദിയാക്കി മാറ്റി. അല്‍-ഖവാരിസ്മിയും അദ്ദേഹത്തിന്റെ സഹപണ്ഠിതരും ഖലീഫയുടെ ആശീര്‍വാദത്തോടെ ഇന്തോ-ഗ്രീക്ക് ഗ്രന്ഥങ്ങളുടെ വിവര്‍ത്തനങ്ങളിലും ഗണിതപഠനങ്ങളിലും മുഴുകി.’ഹിസാബ് അല്‍ ജബര്‍ വല്‍ മുഖബ്ബല’ (The Compendious Book on Calculation by Completion and Balancing) എന്ന അദ്ദേഹത്തിന്റെ ഏറ്റവും പ്രശസ്തമായ കൃതിയുടെ പേരില്‍ നിന്നാണ് ‘ആല്‍ജിബ്ര’ (Algebra)എന്ന പേര്‍ വന്നതുതന്നെ! അല്‍ ജബര്‍ എന്നതിനര്‍ഥം ‘പൂര്‍ണ്ണത’ (Completion)
എന്നും മുഖബ്ബല എന്നാല്‍ ‘തുലനം’ (Balancing) എന്നുമാണര്‍ഥം. ഈ വിഷയസംബന്ധമായി ആദ്യമായെഴുതപ്പെട്ട പൂര്‍ണ്ണഗ്രന്ഥമായാണിത് കണക്കാക്കപ്പെടുന്നത്. അതിനാലാകണം അദ്ദേഹം ‘ബീജഗണിതത്തിന്റെ പിതാവ്’ (The Father of Algebra)എന്നറിയപ്പെടുന്നത്.

പ്രായോഗിക ഗണിതത്തിന്റെ വിവരണങ്ങളുള്‍ക്കൊള്ളുന്ന ഈ പുസ്തകത്തില്‍ ഒന്നും രണ്ടും കൃതിയിലുള്ള സമവാക്യങ്ങളുടെ നിര്‍ദ്ധാരണങ്ങളില്‍ തുടങ്ങി പ്രായോഗീക പ്രശ്നങ്ങളുടെ നിര്‍ദ്ധാരണങ്ങളിലേക്കെത്തുന്ന ഒരു രീതിയാണ് സ്വീകരിച്ചിട്ടുള്ളത്.
ഖവാരിസ്മിയുടെ പുസ്തകങ്ങളിലൊന്നും തന്നെ ഗണിതചിഹ്നങ്ങളോ (Symbols)ചരങ്ങളോ (Variables)ഉപയോഗിച്ചിട്ടില്ലെന്നതാണ് ഏറെ ആശ്ചര്യകരം!

ഇന്‍ഡോ-അറബിക് അക്കങ്ങളെക്കുറിച്ച് അദ്ദേഹമെഴുതിയ അറബി മൂലഗ്രന്ഥം നഷ്ടപ്പെട്ടുപോയെങ്കിലും അതിന്റെ ലാറ്റിന്‍ വിവര്‍ത്തനം ‘Algoritmi de numero Indorum’ എന്ന പേരിലും, ഇംഗ്ലീഷ് വിവര്‍ത്തനം ‘Al-Khwarizmi on the Hindu Art of Reckoning’എന്ന പേരിലും നിലവിലുണ്ട്. ഈ വിവര്‍ത്തനങ്ങളില്‍ നിന്നാകണം യൂറോപ്പില്‍ അറബിക് ന്യൂമെറല്‍സെന്നു വിളിക്കുന്ന ഇന്ത്യന്‍ ന്യൂമെറല്‍ സിസ്റ്റം പ്രചാരത്തിലായത്!

ഏതാണ്ട് 2400 സ്ഥലങ്ങളുടെ ലാറ്റിറ്റ്യൂഡും ലോഞ്ജിറ്റ്യൂഡും കണക്കാക്കുന്നതും ആസ്ട്രോലാബ്, സണ്‍ഡയല്‍, കലണ്ടര്‍ എന്നിവ ഉള്‍ക്കൊള്ളുന്നതുമായ ഒരു പ്രധാന വര്‍ക്കും അദ്ദേഹത്തിന്റേതായുണ്ട്. പ്രശസ്തരായ പല വ്യക്തികളുടേയും ജാതകക്കുറിപ്പുകളുള്‍ക്കൊള്ളുന്ന മറ്റൊരു പുസ്തകവും അദ്ദേഹം എഴുതിയിട്ടുണ്ട്. എ.ഡി. 850 നോടടുത്താണ് അദ്ദേഹം മരണപ്പെട്ടതെന്നു കരുതപ്പെടുന്നു.

About hariekd

It is a movement from kerala High school teachers.
This entry was posted in ശാസ്ത്രം, General, Lite Maths, Maths STD VIII. Bookmark the permalink.

7 Responses to ബീജഗണിതത്തിന്റെ പിതാവാരാണ്?

  1. JOHN P A says:

    Learning VIII standard algebra will become a wonderful experience if we use the possibilities of Information technology.Besides this most of the algebraic concepts can be interpreted geometrically.I mean constructions ,not paper cuttings,So many project works,lab activities are hidden in this unit. Why cant we make the blog a place to share?

  2. Anonymous says:

    Good article.

    Geetha

  3. Anonymous says:

    എന്തുകൊണ്ടാണ് മാത്തമാറ്റിക്സ് വിഷയത്തില് മാത്രം
    നോബല് സമ്മാനം ഇല്ലാതെ പോയത്….?

  4. പ്രിയ അനോണിമസ്,

    തീര്‍ച്ചയായും പ്രസക്തമായ ഒരു ചോദ്യമാണത്. ശാസ്തത്തിന്രെ റാണിയായ ഗണിതത്തെ ഒഴിവാക്കിയുള്ള ഒരു അക്കാദമി അവാര്‍ഡ്. ഖേദകരം തന്നെ.

  5. shafi kolathara handicapped hss says:

    കണക്കിനുപുരമേ മറ്റു വിവരങ്ങളും ഉള്കൊള്ളിക്കാന് തുടങ്ങിയത് ഉപകരപ്രതമാണ്

  6. JOHN P A says:

    WHY MATHEMATICS IS FAR AWAY FROM SWEDISH ACADEMY?
    I think mathematics is still an intellectual subject.It poses problems,it give light and guidance to the solution,it provides a royal way to enter socially relevent things…..but never solve a problem related to social needs.Euler solved konisberg problem which was the beginning of Topology and network theory.technology and science used Eulearian method to tackle social issues.The origin and developement of Operation research can tell another story .NOBEL PRIZE IS MENT FOR SOCIALLY RELEVENT CONTRIBUTIONS

  7. 2011-12 പാലക്കാട് ശാസ്ത്രമേളയില്‍ ഗണിതമത്സരങ്ങള്‍
    ഏതൊക്കെ സ്കൂളകളിലായാണ് നടക്കുന്നതെന്നു പറയാമോ?
    ലാല്‍മാഷ്, കണ്ണൂര്‍

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s